Mamallakta Tantanakuy wacha puncha llakirishka markakunata yanapanka ñapash llankaykunawan kallarishka. Tawka llankaykunata ruranka: “Ayudatón” sutiwan kallarinka, chayka: wasita allichinkapa nipakunata tantanka; yanakapak runakuna churanka; mikunakunata tantanka; kullka wasita churanka; yawarta kunka, shuktakkunata tantanka. Mama Gabriela Rivadeneira, Mamallakta Tantanakuyta pushak, tukuytami kimirishpa pushanka, tukuykuna yanapashun nishpami kayanka, kamachiy killkakkunalla mana yanapankachu, tukuykuna yanapanka.
Mama Gabriela Rivadeneira, Mamallakta Tantanakuyta pushak, Bloque PAIS tantariman kimirishka kamachiy killkak, Mamabí llaktapi allpa chukchuywan llakirishka runakunata yanapankapa arinirkakuna, llankay kullkimanta sapan killapi, ishkay killakaman 10% patsakri kullkiwan yanapanka nirka.
Mama Rosana Alvarado, Mamallakta Tantanakuyta kipapushak chay saharaui llaktawan yanaparishkata wiñaykawsaymi kan nirka, chaytaka kullka puncha Mamallakta Tantakuy arinishka shuk yuyariwan rikuchirka.
Mamallakta Tantanakuy Convenio de Servicios Aéreos entre Ecuador y la República Popular de China llaktawan 92 apuchiwan arinirkakuna, kay yuyariwan suyupi mintalaykuna, riksinakuna sinchiyanka.
Kay Parto Humanizado kamachiy hawa kallari yachay hampikunata, hatun yachana wasipi yachakukkunata kayarka, wachachik mama, hampik wachachik shamurka. Warmi imashina wachana akllayta sumaycharka.
Mama Gabriela Rivadeneira, Mamallakta Tantanakuyta pushak mushuk yuyayta wiñachishkamanta, kunan punchami Parto Humanizado kamachiyta atinakukun. Kay kamachiytaka: yachakkunawan, tantarikunawan, kamachikkunawan, mana kamachikkunwan rimanakuna yuyaymi kan. Paykuna mushuk nikikunata churashpa alli kamachiy killkarichun paktana yuyaymi kan.
Llaktayukpak marka tantaripi yalli munashka rimayka, kay Código Ingenios kamachiy hawasmi karka, tawka kawsayta ukllanawan, kawsay sapiwan kimirik rimaymi karka, chayka mushuk kamachiypak 65 nikipimi kan.
Kay 27 kamachiy killkakkunapak rikuyta, mushuk yuyayta chaskishka kipa, Kay Equilibrio de las Finanzas Públicas kamachiyta kallari atinakuywan yallirka. Ishkantin pacha rimanakuypimi kamachiy killkakkunaka allpapachapi kullki llaki hawa rimarkakuna; churashka kullkikuna mikuk runakunata mana llakichinkachu, imashina mushuk sami millpunatami yachachinka; llankak wasikuna yurak mishkita churanata ashayachichun, tisiku runakuna, yuyak runakuna antawata rantinapi mana yalli kullkita kuchun; pantaykunata, yapa yaykurishkata, satirinata sakichun
Kullka puncha, 09:30 sayllamanta kay Comisión de Soberanía, Integración y Relaciones Internacionales killkashka willayta riksinkapa tantarinka, shinami Convenio de Servicios Aéreos entre Ecuador llaktawan, República Popular de China llaktawan arinishkata riksinka.
Chay Panamá llaktapi. Kay Junta Directiva del Parlamento Latinoamericano (Parlatino), chay Panamá llaktapi tantarishka, mushuk uchilla kamachiyta arinirka, kay kamachiyka Mamallaktapura mutsushkata tanrishpa, yanaparishpa llankanatami rikuchin, mushuk sumak rurak willaywan yanapanka, hatunyashka allpapachaman willayta paktachinka.
