Mamallaktamanta, allpapachamanta tawka llaktayukkuna kay Campaña Tejiendo Mis Derechos llankayman kimirishka, chayka mama Gabriela Rivadeneira Mamallakta Tantanakuyta pushakmi tankakun, shinami José Chimbo Guanujo llaktamanta rimarka, chay llaktaka Guaranda kitipi, Bolívar markapi sakirin. Shinallatak Loja markamanta kimsa imillakuna warmimi runakuna kawsachun tikski kan nirka, Cañar llaktamanta warmikuna kunanka runakuna raprata charin nirka: shukka warmimi kan, shuktakka karimi kan, chaywan wayrata pawanka.
Mama Gabriela Rivadeneira, Mamallakta Tantanakuyta pushak, Santa Elena markapak warikuna riksishka kan, chay llaktapi tantarikunata charirka, chay llaktamanta warmikuna achkata riksirka.
Kay Recursos Hídricos, Usos y Aprovechamiento del Agua kamachiy, Tierras y Territorios Ancestrales kamachiy, tantarishka runakuna tantarichumi yanapan, Mamallaktapak Tawka kuskakunamanta llaktayukkuna chaypi kachun yanapashka.
Chay La Villegas shulkapi, La Concordia kitipi, Santo Domingo de los Tsáchilas markapi kawsak llaktayukkuna, Mamallakta Tantanakuy arinishka kamachiykunata riksirka.
Imbabura kari warmi runakuna paykuna paktapakta kanata yuyashkata rimankapa pintuta, tullpuk killkana kaspita. Kayka Mamallakta pushakushka Campaña Tejiendo Mis Derechos llankay ukupimi kanka, shinami Imbabura markapi purirka. Yuyaysapa, mana mishaypak kani, warmi kani nishpa shuk kuytsa rimarka.
Mamallakta Tantanakuy 22 awkakuna uchilla antanka Pastaza markapi urmakpi wañushkamanta shuk aknayta chayachirka, shuk chinikuta upallalal karka, Pastaza llaktapimi kay llakika tukurka. Kamachiy killkak Vethowen Chica mañashkata paktachishpami Optimización de la Jornada Laboral y Seguro de Desempleo kamachiy rimayta samarishpa wañushkakunamanta wakarka.
Kay “Tejiendo Mis Derechos” willayman warmikuna kimirin, kay willayka mama Gabriela Rivadeneira, Mamallakta Tantanakuy churashkami kan, warmi wawakuna, pakta runakuna, yuyak warmikuna, paya warmikuna tantarinata charin. Kay llankaytaka Johanna Cedeño, Mary Verduga kamachiy killkakkunami pushakun.
Mamallakta Tantanakuy pichka hatun arawikkuna, paykuna achkata llankashkamanta pichka yuyarita kurka, paykunaka Hugo Mujica (Argentina) llaktamanta, Ana María Iza, Miguel Donoso Gutiérrez, Fernando Cazón Vera (Ecuador) llaktamanta arawikkunami karka.
Mamallakta Tantanakuy arinishka kipa, kunan awaki punchami Tierras y Territorios Ancestrales kamachiy, Kamu Kipupi, 711 yupaywan killkarishka. Kay kipa tukuy Mamallaktapi llankankapa yaykurin.
Mama, Gabriela Rivadeneira Burbano, Mamallakta Tantanakuyta pushak kay Función Legislativa Hatun kamachiypak, 12 niki, 3 yuypayta hapirishpa hatun tantariman kayarka, chayka kaya 15 punchami kanka, 9h30 sayllata kallarinka, chaypimi mushuk Optimización de la Jornada Laboral y Seguro de Desempleo kamachiyta rimanka, kullki llakita allichinkapa utka rimanami kan.
