Mamallakta Tantanakuyman punchantami kamachiykuna killkarichun yuyayta kunkapa, kamaywasi llankashkata riksinkapa, chayashkakuna, kay tantarikunami kamachikta kachakkunawan, kamachikkunawan rimanakuyta yanapashka. Llaktakunapi, Mamallakta Tantanakuypi 2015 watapika 236 waranka llaktayukkunata chaskirka.
Kay Promoción del Trabajo Juvenil, Regulación Excepcional de la Jornada de Trabajo, Cesantía y Seguro de Desempleo kamachiyta, 28 puncha, pawkar killa, Kamukipupi, 720 yupaywan killkachirka. Shinami llankankapa yaykurirka, Mamallakta Tantanakuy 10 puncha, 85 apuchiwan arinishka kipami llankay kallarirka.
Kay Ecuador llaktawan, Rusia llaktawan kullki hawa llankayta, Mamallakta Tantanakuypura llankayta sichiyachinka, Belarús con América Latina llakta kimirinkapa ishkantin llaktaman rinaka, apya-yalapika (Parlatino) tantariwan llankanka, mama Gabriela Rivadeneira chay llaktakunaman rinka.
Mamallakta tantanakuy Universidad Amazónica yachana wasita wiñachinkapa kamachiy mushukyarina kallari atinakuy tukurirka, kay kamachiyka mushuk yachana llikakunatami rikuchin, shina: shuktak markakuna, ñalla sucumbios llaktapipash tiyarinka mushuk llikata, karupi yachana wasikuna, shuk yachanakuna antisuyu markakunapi tiyarinka nirka.
Mamallakta Tantanakuy kawsaytarpuy llankayta rurashkamanta “Vicente Rocafuerte” irpawan Juan Ignacio Álava Navarro takikta hawapi churashpa riksin, paypak wiñaykawsayta, takita riksirka, shinami Ecuador llaktapi hatun riksishka rikurin.
Kay 2015 watapi 3 hunu, 528 waranka, 303 runakuna Seguridad Social kamaywasiman yaykurirka, 2006 watapi kushkawan chimpapurarka, chayka shuk hunu 402 waranka, 127 runakyuna karka, chayka tukuykuna kamaymanmi yaykurishka karka, Directora de Afiliación del IESS kamachik, mama Alejandra Harvis kamachikmi kan, llankayta minkashkapak ñawpakpi Justicia Laboral y el Reconocimiento del Trabajo en el Hogar kamachiyta pushachinka.
Punchanta llankak minkashkakunata pushakkuna, 2015 watapi llankashkata rikuchishpa, Mamallaktapi kullki ashayashkata rikushpa kullkita mirachina kamachiykunata killkashpa arinishpa katinatami ashtawankarin rimankuna, shina kullkikuna mirarishpa katinka.
Kay Derechos Colectivos minkashka, chay Derechos Lingüísticos de los Pueblos y Nacionalidades hatun kamachiyta, kaya 10:00 sayllamanta rimay kallarinka. Kay Educación, Jorge Fabara Kipa hatun kamachik rikunka; kay mushuk kamachiyta killkak Alexandra Ocles kamachiy killkak; Coordinadora Nacional Campesina Eloy Alfaro, Romelio Gualán pushakpash rikunka.
Kay América Latina, Caribe PNUD Ecuador llakta kullkiyarina llankayta rurashpa wakchayta urayachinkapa runakunata yanapakukta Jessica Faieta kamachik riksin, kay llankayta suyupi yalli hatun wiñariy kan nirka.
Mamallakta Tantanakuy 2016 watapak kullki kamachiy hawa, kapukkunata mirachina kamachiyta kallaripi llankanka, shinami kay alli Promoción del Trabajo Juvenil, Regulación excepcional de la jornada del trabajo, cesantía y seguro de desempleo kamachiyta ashtawan sinchita llankaka, shinallatak Economía Popular y Solidaria hatun kamachiyta kallaripi churanka.
