Kay “Ayudatón para la Reconstrucción” llankayta mama Gabriela Rivadeneira, Mamallakta Tantanakuy pushak yuyayta kushkami kan, kunan punchapash katikun, shinami 08h00 sayllamanta, 22:00 sayllata tukurinka. Banco del Pacífico kullkiwasi, (FEUPE) tantari 1049488252 yupayta wiñachirka, kaypi kullkiwan yanapakkuna churanka.
Kay Ayudatón por la Reconstrucción tukurin pachaka ñami 467.471,65 dólar kullkita tantashka, chaywan wasikuna wakllirishka kuskapi kutintak wasita rurankapa nipakunata chayachinatapash ushanmi. Kay llankayta rurakukkunaka tantarishka yanapak llaktata rikunchik, chaymanta Ecuador llakta kutintak shayarichun llankachik nirka.
“Kay llakikunami nunata rikchachin, anchata takashkami kanchik”, shinami Chone kitipushak rimarka, Deiton Alcívar shutimi kan, “Ayudatón por la Reconstrucción” llankayta rimashpami shina nirka, mama Gabriela Rivadeneira, Mamallakta Tantanakuy pushak ñawpachikun.
Mamallakta Tantanakuypak Ankipi rimashpa kay “Ecuador: Ayudatón por la Reconstrucción” llankayta kallarichin, kaytaka kamachiy killkakkuna pushakun, Banco del Pacífico, Federación de Estudiantes Particulares del Ecuador (FEUPE) kullki wasikunapi kullkita churanka, paykunami ayllukunapak wasita ruranata yanapanka, chaypak yanapaykunata tantanka, willashka kullki wasipak (1049488252) yupaypi kullkita churanka.
Wacha puncha, allpa chukchukpi wasikuna tuñirishpa llakichishka runakunaman yanapaykuna mana samarishkachu, shinallata Mamallakta Tantanakuymanta kapukkunata chayachina, kachana, ayllukunaman rakina mana samarichun. Kay yanapaykunataka kitimanta runakunami churashka. Kunanka ishkay hatun antawatami kachashka. Chaypak Mamallakta Tantanakuy sinchita llankakun.
Mamallaktata yanapankapa Sinchi shunkuwan, arinishkawan Mamallakta Tantanakuymanta tantarishka 62 awllikkuna llaki kuskaman rirka, paykunaka Fuerte Militar del Ejército kuskapimi llankakun, chay wasika Portoviejo kitipimi sakirin.
Mama Gabriela Rivadeneira, Mamallakta Tantanakuy tukuy tantarichun kayarka, shinami “Ecuador: Ayudatón por la Reconstrucción” llankay kallarinka nirka. Mamallakta Tantanakuypak yuyaymi, wacha, 16 puncha wakllirishka wasikunapak ranti, mushuk wasikunata rurankapa, nipakunata kullkita tantanka nirka,
Mama Gabriela Rivadeneira, Mamallakta Tantanakuyta pushak, wasikuna tuñirishka waranka wallkirishka runakunata yanapana nirka, kay llakipi Mamallakta Tantanakuy yanapanka.
Kunan puncha Wañushaka Carlos Tupiza kamachiy killkakta Mamallakta Tantanakuypi 16h00 saymanta samachinka, chaypimi wiñaypak kawsachun kachanka, paymi paypak churiwan Portoviejo llaktapi wasi tuñirikpi wañunka.
Mamallaktapak uma kitimanta Mamallakta Tantanakuypak kallarik 62 yanapakkuna Manta llaktaman chayarka, llakirishka runakuna ima mutsurishka chayachushpa, puñunata rikushpa, pichashpa, kipikunata allichishpa, watashpa yanapankakuna.
