Amawta Fabián Solano kamachiy killkak Cuba llaktapi, Ecuador llaktapak shutipi Hatun Ista Kamachik tiyarin, 921 yupaywan, 22 puncha, panchi killa, 2016 watapi llankata chaskin, kay kamachiy pankataka Rafael Correa Delgado Mamallakta pushakmi tiyachin. Paypak katik, kipa kamachiy killkak Reyta Dahik Astudillo Solano kamachik rati tiyarin, payka Bolívar markapak shutipi, kamachiy killkak shayarin, llukshik kamachiy killkak llankana killakunatami paktachinka.
Kamachiy killkak Marcela Aguiñaga, Mamallakta Tantanakuyta kipapushak, Biodiversidad Minkashka, Carlos Viteri Gualinga pushashka kanka, paykunami Código del Ambiente kamachiyta Guayaquil llaktapi riksichinka, chayka, chaska, 26 puncha, killapi kanka, Corporación Financiera Nacional wasipi kanka, 15:30 sayllamanta kallarinka, 18:00 sayllapi tukurinka.
Kamachiy killkak Alexandra Ocles kay Derechos Lingüísticos de los Pueblos y Nacionalidades kamachiyta killkankapa achka runa tantarikunata kayarka, chay kamachiyta hapina, shimi hayñita ukllankapa mushuk yuyaykunata churana nirka. Pay killkashkata Comisión de Derechos Colectivos pushak, mama Gabriela Rivadeneira Mamallakta Tantanakuyta pushakwan rimanka, kay kamachiymi 2016 watapi llankana kan.
Llaktapak, runallaktapak Derechos Lingüísticos kamachiymi 2016 watapi kallari llankay kanka. Shinami Mamakamachiy kawsaypurata, tawka kawsay tiyak rimashkata paktachin, Ecuador llaktapi kawsak tukuy rimaykunata sumaychana, ukllana. Kay ONU tantari shuktak rimashkakunatapash sumaychanka, shinami 21 puncha, panchi killata” Mama Shimipak Istapunchata shutichishka.
Kay Intendente de Economía Popular y Solidaria, David Ruales, Intendente zonal, Esteban Orosco, kamachikkunata Johanna Cedeño kayarka, paykunaman Economía Popular y Solidaria mushukyayta riksichirka.
Kay Desarrollo Económico minkashka, Lídice Larrea kamachiy killkak, sapan kimsa killapimi Acuerdo Comercial con la Unión Europea, Ecuador llaktawan yuyarikunata pushak kamachikkuna imashina shuk ista yuyarita charinkapa llankashkata willachun kayanka, ashtawankarin mintalaykuna yanapakushkata charinkapa paktakushkata riksinkapa rimanakuyta charinka.
Kay Linda Machuca tawka kamachiykunata arinichishpa Mamallakta tantanakuymanta anchurin, kunanka Ecuador llaktapak shutipi, chay Nueva York llaktapi llankanka, chaymanta purik tantarikuna, harkak kamachikkuna, yanapakkuna, kamachiy killkakuna, mashikuna, ayllukuna kayakama ninkapa shamurka. Paykuna manma Gabriela Rivadeneira Mamallakta Tantanakuyta pushak; Relaciones Internacionales tantarita pushak, María Augusta Calle kamachiy killkak; purik runakunapak tantarita pushakkuna; shuktak kamachikkuna pay anchurikukpi llakiwan rimarkakuna.
Kay Parlamentaria por la Soberanía y la Unidad Latinoamericana y Caribeña tantari, suyupak 17 Mamallaktakunamanta kari warmi kamachiy killkakkuna killkashpa tukuykunaman rikuchirka, paykunaka Evo Morales Pushak katichun hatun tapuyta yanapan, chayka Bolivia Mamallaktapi Pushak, kipapushak shukkutin yapa llankashpa katichun yanapan.
Kay Biodiversidad minkashka, Carlos Viteri Gualinga kamachiy killkak, ishkayniki atinakuyta charinkapa chay 21 markakunapi rimanakuy kallarinka, Código del Ambiente kamachiypak hatun yuyaykunata Mamallakta Tantanakuypi atinakuyta charinka..
Kay Soberanía Alimentaria y Desarrollo del Sector Agropecuario y Pesquero tantarita pushak, Mauricio Proaño kamachiy killkak, kunan watapi llankayñanpi Agrobiodiversidad, Semillas y Agroecología y de Pesca, Manglar, Acuacultura y Recolección kamachiykunata killkana tiyan.
