Kay Soberanía, Integración, Relaciones Internacionales y Seguridad Integral minkashka tantari kunanmanta mushuk pushakkunata charin, paykunaka Fernando Bustamante pushaymata anchurikpimi yaykurirkakuna.
Mushuk Presentación de las Declaraciones Patrimoniales Juradas kamachiy hawa rimashpa, ashalla katikuyta charina, ashalla kullkita, pachata tukuchina, katikuyta utkachina, killkana pankata mana hapina, zirma pankapi killkana kakpi achka kamachiy killkakkuna, mushuk kamachiyta alli ñawiwan rikurka. Shinami 17 kamachiy killkakkuna rimashka kipa mama Gabriela Rivadeneira Mamallakta Tantanakuyta pushak, 238 yupay tantarita pitirka, ima pachapash Secretaría General kamachikwan kayanka.
Kay Régimen Económico minkashkakuna Prevención, Detección y Erradicación del Delito de Lavado de Activos y del Financiamiento de Delitos kamachiyta killkankapa yuyaykunata hapishpa katikun. Chayta rimankapa Fiscal General del Estado, Galo Chiriboga hatun kamachikta, chay Superintendente de Economía Popular y Solidaria, Hugo Jácome kamachikta kayarka.
Pay Diego Vintimilla kamachiy killkak, chay Educación, Cultura, Ciencia y Tecnología minkashkaman Hatun Yanachana Kamachiy imashina llankashkata kamayku kallarin nishpa willarka, kamaykuta pushak kipa minkashkami kay llankayta rikunka, kay llankaytaka Organización de Estados Iberoamericanos tantaripak yanapayta charinka.
Chay Brasil Mamallakta, São Paulo llakta willaypi rimaypi, Mamallakta Tantanakuyta pushak, mama Gabriela Rivadeneira, Apya-yala llaktakunapi tantarinamanta rimarka, llakta ushay mushukyarishkata rimarka, Mamallakta Tantanakuypi llankaykunata, akllay munaykuna paktachun nirka.
Wanra, 2 puncha, panchi killa, 10h00 sayllapi, mushuk Presentación de las Declaraciones Patrimoniales Juradas kamachiyta atinakunka. Kay atinakuyman mama Gabriela Rivadeneira Burbano Mamallakta Tantanakuyta pushak kamachiy killkakkunata kayan.
Mama Gabriela Rivadeneira, Mamallakta Tantanakuyta pushak, kamachiy killkakkunantin Sucumbíos, Orellana, Pastaza markakunapak llaktakunapi kamachiykunata riksichirka, antisuyupak munay hawa llaktayukkunapak yuyaykunata, mañaykunata chaskirka.
Kay Contigo de Ley, 46 yupay willay Sucumbíos markapi pusharirka, chaypimi Código del Ambiente kamachiyta manarak arinishpa tapunata riksichirka. Mama Gabriela Rivadeneira Mamallakta Tantanakuyta pushak 31, 43 kuskakunamanta punkara surkuna Declaratoria de Interés Nacional kan nirka, shinallatak Antisuyu Kamachiyta, Educación Superior kamachiyta riksichirka, chaywan antisuypi hatun yachana kuskakuna mirarinka nirka.
Mama Gabriela Rivadeneira, Mamallakta Tantanakluyta pushak Domínico llaktamantami kan, payman CELAC mushuk pushakman mañayta chayachirka, payka Danilo Medina shutimi kan, kay mañayka 17 Mamallaktakuna killkashkami kan, kay llaktakunaka Red Parlamentaria por la Soberanía y Unidad Latinoamericana y Caribeña tantariman kimirishkami kan.
Kay Fundación Naturaleza y Arte pushak, Silvana Rivadeneira kamachik, Catalina Molina llaktayuk Mamallakta Tantanakuypak Biodiversidad minkashkaman Código del Ambiente kamachiy rikuyta churarka.
