Allpa Kamachiyka awki mikunata charinkapa shuk ñanmi kan, alli tarpuna yuyaytami charin, achka watakunapak mikunata charina, kamana yuyaytami sinchiyachin. Mamakamachiypak 2 wankuri, 13 niki, runakuna, tantarishka runakuna kamayman yaykurina, uksi, punchanta pakllamanta shamuk mikunakunata charinatami rikuchin; runakuna imashina kawsamushka tarpuykunamanta shamuk mikunami kanka.
Tawka llaktay tantariman kimirishka kamachiy killkakkuna Tierras Rurales y Territorios Ancestrales kamachiywan, allpata charichun, allpaman yaykurichun uchilla kamachiyta churan, allpakuna pachamamata yanapachun, kimsa tiksikunata charin: allpata pakta rakina, chaypi kullkiwan, kullkita mañachina, sumakrurawan yanapay; awki mikunata charichun, allpata charirayashpa tarpuna kan.
Mamallakta Tantanakuy Tierras Rurales y Territorios Ancestrales kamachiyta arinirka, kay kamachiy allpata charichun, allpaman yaykurichun uchilla kamachiyta churan, allpakuna pachamamata yanapachun kaman. Shuktak yuyaykunaka allpata pakta rakina, chaypi llankachun kullkiwan, kullkita mañachina, sumakrurawan yanapay tiyachun; awki mikunata charichun, allpata kamachiywan shutichichun kamanka.
Kay Fiscalización minkashka tantarikuna kachashka pushakkunata chaskirka, ´´Criadores de Ovino Señor Maca´´, shinallatak ´´Trabajadores Agricultores Autónomos La Majadita´´ tantarita chaskirka, chay runakuna Ministerio de Agricultura, Acuacultura, Ganadería y Pesca kamaysiwan, Banco Nacional de Fomento (BNF) kullkiwasiwan llakita charishkata rikurka.
Mamallakta Tantanakuyta Pushak, Gabriela Rivadeneira, shinallatak Comisión de Educación, Cultura, Ciencia y Tecnología, kamachiy killkak Ximena Ponce, Mamallaktapak takikkunawan tantarirka, chaypimi Sociedad de Autores y Compositores del Ecuador (Sayce), manarak Código de los Conocimientos (Ingenios) kamachiyta arinikpi tapuy tiyachun rikunka.
Shamuk kullka, 7 puncha, kullka killpi, 9h30 sayllamanta, Mamallakta Tantanakuypak 362 tantari katinka, chaypi Tierras Rurales y Territorios Ancestrales kamachiy hawa ishkayniki atinakuyta charinka, kallari atinakuyka 17 puncha, kapak killa, 2015 watapi kallarirka. Kay kamachiyka allpaman yaykurinkapa, allpata charinkapa allichinatami rikuchin, shinalltak runakunata yanapana, pachamamata yanapana llankaytami charinka.
Kay Derechos de los Trabajadores y la Seguridad Social minkashkaman, chilla, 06 puncha, kullakilla, 10H00 sayllata, kay Instituto Ecuatoriano de Seguridad Social (IESS) kamaywasita pushak, Richard Espinosa kamachik, shinallatak Margarita Guevara Alvarado tukuylla hampita pushak, kachashkakuna chayanka.
Kay Comisión de Soberanía Alimentaria minkashkata pushak, Miguel Carvajal kamachiy killkak, kay Tierras Rurales y Territorios Ancestrales kamachiy, allpa kamachiy Mamallaktapak kamaywasita ukumanta mushukyachin; Mamallaktapk tiyashka allpata imashina llankachinata rikuchin, kay allpakunapi llaktayukkuna mawkayachinchun rikuchin, tawka allpa llakikunata kishpiychin. 130.000 ayllukuna 10 wata, 5 wata hapishka allpata kunankama kamachiywan shutichishkata mana charin.
Kunan awaki puncha sapsikuna, ayllullaktakuna, llaktakuna, runa llaktakuna, yana llaktakuna, yunkallaktakuna sapsi hayñita charik kashkamanta, Mamakamahchiypak 57 nikita hapishpa, kay Código INGENIOS kamachiy manarak arinikpi tapuypi kankapa shuti hapi kallarin, Código Orgánico de la Economía Social de los Conocimientos, Creatividad e Innovación sapsi hayñita llakichinashina rikurin.
Kamachiy killkak Mónica Alemán, 35 watata charik warmi Nelson Serrano wañushkapak ranti llankanka Nelson Serrano kapak killa, 29 punchami wañurka, kay mushuk kamachiy killkak Comisión de Soberanía Alimentaria tantaripi karka, payka manarak Tierras Rurales y Territorios Ancestrales kamachiyta arinirik tapuy llankayta pushanka.
