Mama María Augusta Calle, chay ALBA-TCP Venezuela llakta akllayman rikkunapak mashi tukun, paykunaka Secretario Ejecutivo, Bernardo Álvarez mañashkami rinka, shamuk 6 puncha, kapak killa, chay Mamallaktapi kamachiy killkakkuna akllay tiyanka, shinami chay llaktapak Mamallakta Tantanakuypak kamachiy tukunka.
Kay Derechos de los Trabajadores minkashkapi, Kléber Arroyo kamachiy killkak, chay Trabajadores de los Hoteles Decameron-Mompiche llakita rikuk, ña suktak killamanta kay llankak wasi, tukuy Mamallaktapi 1500 llankakunapak hayñikunata pakishka nirka, Tampupi llankak 479 runakunata llakichishka nirka
Kay Soberanía y Relaciones Internacionales minkashkata pushak, Fernando Bustamante, María Soledad Vela, Verónica Rodríguez kamachiy killkakkunantin, Guayas markaman rinka, chaypimi Movilidad Humana Hatun Kamachiyta runakunaman, kamachikkunaman rikschinka.
Kay Régimen Económico minkashka, chay Economía Popular y Solidaria kamachiyta allichinapi, purik runakunata kullkiwan yanapankapa kamachiy shuk churayta yaykuchina hawa riman, kallaripi chaskina runakunatapash shinallatak yanapana kan.
Kay Unasur, ukupi "Encuentro Subregional sobre Mujeres Rurales: Soberanía-Seguridad" tantaripi mama Gabriela Rivadeneira, Mamallakta Tantanakuyta pushak, Ecuador hatun tatkikunata kuchun maymutsurik kamachiykunata killkashkata yuyarirka, chayka kari warmi pakta kawsachunmi yanapan nirka. Suyupi purik runakunata, tarpuypi warmikuna llakiwan kawsakta yanapankapa mushuk ñankunata mashkanka.
Mamakamachiyta ishkaykutin atinakunkapa killkashkapi 158 nikita allichishka kan, kay kamachiywan Mamallakta awkita, tukuyta yapachun kay mushukyay paktachun kamanka.
Kunan awaki. 30 puncha, sasikillami kay Código del Ambiente kamachiy tapuypi kana puncha tukurin, kay kamachiyka sapsi hayñita llakichinashina kakpimi tapuyman yaykurishka kan.
Wacha, 28 puncha, sasi killa, kay Soberanía y Relaciones Internacionales minkashka Loja kitiman rirka, chaypi Movilidad Humana kamachiyta riksichirka. Chaypimi kay llankayta minkashka achka mushuk yuyaykunata chaskirka, churashka yuyaykunawan kay kamachiyta kallari atinakuypak allichishpa killkanka.
Mamallakta Tantanakuy shamuk wata, kulla killamanta kawsaytarpuy kamachiyta llankashpa kallarinka, kay kamachiyka Mamakamachiy rimashkata paktachishpa Mamallaktaman chayachinka, shinam mama Gabriela Rivadeneira willarka. Shinami Contigo de Ley rimashpa, Otavalo llaktamanta willarka, chaypimi tawka tantarikuna, kawsaytarpuy tantarikuna karka.
Kay Registro Civil kamachiy alli killkari yanapak, Juan Pablo Álava yachak, shinallatak Soberanía y Relaciones Internacionales minkashka, Fernando Bustamante, chay mushuk Movilidad Humana kamachiyta atinakushpa katirka
