Mamakamachiy Mushukyachinata rikuk Minkarishkata pushak, Juan Carlos Cassinelli apukka, llaktayukwan rimanakuyka llaktapak 24 markakunapi paktashka, shinaka 100% tukuy llaktamanmi chayashkanchik, Ista llaktapi kawsak ayllukunapashmi kay rimanakuyman chayarkakuna, ninmi.
Kay Toctiuco, kuntin Quito kunan, mama Gabriela Rivadeneira, Mamallakta Tantanakuyta pushak, wanra punchami kay Incentivos para Asociaciones Público-Privadas y la Inversión Extranjera kamachiyta kallari atinakuyta charinka. Ñami kay Desarrollo Económico paypak tantari ukupi, kay killkata allichinkapa achkata rimanakushka, maypimi ashtawan llankankankapa mutsurik nikikunata yallita rimashka.
Mama Gabriela Rivadeneira Mamallakta Tantanakuyta pushak, Diego Vintimilla kamachiy killkak Educación, Cultura, Ciencia y Tecnología minkashkaman yaykurishka, kayta pushankapa shuk tantarita wallpana nirka, paykuna imashina Orgánica de Educación Superior (LOES) llankakukta rikunka.
Kay Ecuador llaktawan, Guatemala llaktawan ishkatin Mamallaktakuna kawsaypi charishkakunata ukllankapa, kutintak apamunkapa, wakaychinkapa shuk yuyarita arininkuna. Kay nipakunaka shuwashka, upalla apashka, kamachiyta pakishpa katushka, kashkakuna, shinapash Mamallaktapakmi kan.
Kay Código del Ambiente kamachiypak hatun nikikuna, chay sapsita, ayllullaktata, llaktata, runallaktata, yunka llaktata, yanallaktata tapunata rimarka, paykunapak hayñikunata llakichinata rikushpami kamachiyta manarak arinishpa tapurinkapa yaykurinka. Shinami Mamallakta Tantanakuy 112 apuchiwan arinirka.
Kay Ecuador llaktawan, El Salvador llaktawan ishkatin Mamallaktakuna purik runakunata kamana yuyarita charinkapa willayta killkana, rimanakuna, apuchina llankaykuna kay Comisión de Soberanía y Relaciones Internacionales tantaripak, 173 yupay tantaripi rimana ukupi kan, chayman Fernando Bustamante Ponce, kay chilla, 14 chilla, wayru killa rimanka, 15:00 sayllata kallarinka.
Kaya puncha, 09h30 sayllata Mamallakta Tantanakuy kutintak tantarinka, chaypimi Código del Ambiente kamachiyta kallarik atinakuyta charinka, alli pachamamawan Ecuador llaktapi kawsachunmi kamanka, chaywan tukuy llankaykuna rurayta ushanka, chaywanllatak pachamamata, shuktak tiyakkunatapash ukllanka.
Mama Gabriela Rivadeneira, Mamallakta Tantanakuyta pushak Guayaquil kishpiyri puncha kakpi, 195 wata washaman wañushkakakunata yuyarishpa ayawasipi hatun kamachikkunantin sisakunata churarka, chayka Parque Centenario kuskapi sakirin.
Mama Gabriela Rivadeneira, Mamallakta Tantanakuyta pushak. ashalla watakunapi Ecuador llakta llankaykunapi mushukyashka, shinami “El Trabajo Decente en el Ecuador – Informe 2014" rimanakuyta rurashpa nirka.
Manarak kamachiyta arinishpa kay Mesa de Diálogo Nacional tantarika, Allpa Kamachiypak kimsa hatun yuyaykunami kan, shinami Miguel Carvajal kamachiy killkak rimarka, chayka 84% patsakri shuklla yuyaymi tiyarin. Kay kamachiyka, tantarishpami, Mamakamachiy rimashkata paktachin.
