Ista llaktakunapi warmipak llakita anchuchina 25 puncha, sasi killapi Mamallakta Tantanakuymi Campaña Únete rikuchina kuska karka, 16 punchata, “Pinta el mundo de naranja” llankayta ruranka, chayka Día Internacional de la Eliminación de la Violencia contra la Mujer shutita charinka, kay llankayka: El Salvador, Guatemala, República Dominicana, Venezuela, Ecuador llaktakunapi rikurinka. Kay yuyayka (ONU) tantarimantami rikurirka, runakunapi kay yuyayta churashpa allpapachapi mushuk yuyaykunata charinka.
Kay Comisión de Régimen Económico kullkimaruta rikuchishkata hapishpa, 83 apuchiwan, Mamallakta Tantanakuy 2016 watapak kullkita, 2016 -2019 watakunapak llankaykunata arinirka, manuypak saywarka. Kay arinishkakunaka Mamakamachiywan rikushpa, Mamallaktapi runakunapak mutsuyta rikushpa arinirka, ashtawankarin yachaypak, hampipak kanka.
Manarak kamachiyta arinishpa, kay Biodiversidad y Recursos Naturales pushak, Carlos Viteri Gualinga, yallik hunkapi, antisuyupak 4 markakunaman riksichinkapa chayarka.
2016 watapak Mamallaktapak hatun kullki hawa rimanakuyta charinkapa Mamallakta Tantanakuyta pushak Gabriela Rivadeneira Burbano 24 puncha, sasi killakaman, kamachiy killkakkunata 357 tantariman kayarka. Chayka 09h30 saylla kallarinka, chayman Régimen Económico y Tributario tantari, shinallatak Programación Cuatrianual 2016-2019 watakunapak llankaytapash rimanka, kullki mañanatapash rimanka.
Mamallaktapak Kamachiy killkak Isabel Mosquera, kunan tutamanta 70 tantarikuna shutita killachichun yanaparka, chayka sapasi, ayllullakta, yunka llakta tantarikuna, paykunaka Código del Ambiente kamachiyta manarak arinishpa llaktakunaman willanami kan nirka.
Mamallakta Tantanakuyta Pushak, mama Gabriela Rivadeneira, kay Contigo de Ley willaypi PAIS tantari, Mamallakta pushak Rafael Correa yuyarishkata willarka, Mamakamachiy mushukyaypak yallichinallapi churachun nirka, chaypi imashina Mamallakta pushak tunkunapa imashina kutintak akllarina hawa rimarka, 2017 watapi kanka.
Kimsa sayllata Mamakamachiy mushukyarichun minkashka, kaypimi mushuk Mamakamachiypak 16 nikikunata rimarka. Kay rimanakuypi, llankakkunapak hayñita, kay Defensoría del Pueblo y la Transitoria llankana kuskakunata, akllaymantapash rimarka, chayka 24 puncha, aymuray killapi, 2017 watapi kanka.
Ishkay ukutami 150 runakuna Mamakamachiy hawa rimanakuyta uyachun rikuchirka. Minkashkaman yaykurishkakuna rimanakurka, paykunapak yuyayta rikuchirka, achka llaktayukkuna yuyayta churashkata, Ecuador llaktapak markakunapi rimanakushkata rikuchirka.
Sukta sayllata rimashka kipa Alianza PAIS tanariman yaykurishkakuna, kimirishkakuna, achka kamachiy killkakkuna, Mamallakta Pushak Rafael Correa mushuk rimayta yanapan, Mamakamachiypak yallichina churashkapi rikuchinata riman, kaytaka Mamallakta Tantanakuymi pushakun.
Kay Soberanía y Relaciones Internacionales minkashka, Movilidad Humana kamachiyta, 12 markakunapi riksichinka, chaypi 10 rimanakuyta llaktapi ruranka.
