Kay Desarrollo Económico minkashkapi, Coordinador de Sectores Estratégicos, Rafael Poveda hatun kamachik, kay Incentivos a la Asociación Público Privado hawa paypak yuyayta churarka. Maypi kullki mirarichun llankay tiyakpi shukpaklla llankakkuna yaykurinaka mana mushukchu kan, Mamallakta Tantanakuy tawka kamachiykuna killkashkapi kay llankayta yaykuchishkami kan, imashinami Karuwillay, punkara, chuki, zirma llankaykunapi yaykurishka kan.
Mama Gabriela Rivadeneira, Mamallakta Tantanakuyta pushak 350 yupay tantariman kayarka, chayka kullka, 8 puncha, wayru killa, 09:30 sayllamanta kallarinka, kay tantaripimi, Código del Ambiente kamachiyta atinakuy kallarimushkawan katinka.
Mamallakta Tantanakuypi Wawakunapak Punchata Yuyarishpa, Marisol Peñafiel kamachiy killkak, pay Grupo Parlamentario por las Garantías de las Niñas, Niños, Adolescentes y Jóvenes Rimanakuyman kimirishkami kan, kay punchaka wawakunakunata, imillakunata llakichishka, tsiknishka, takashka puncha kashkamantami yuyarina sakirirka.
Kay Relaciones Internacionales Minkashka, Fernando Bustamante kamachiy killkak pushashka tantariman, Helena Yánez, Ministerio de Relaciones Exteriores Hatun kamachik, Cancillería Kamaywasipak shutipi Protocolo Complementario del Convenio hawa rikuchirka, payka antankakuna ama yanka shuktak Mamallakta hawata pawachun kamachiyta arininka.
Esmeraldas markamanta Gabriel Rivera, Esther Ortiz, Nancis Bazurto, Pablo de la Torre apukkunami mamakamachiy mushukyachinapak llankaymanta llaktayukwan kay 5 puncha wayru killa, Patronato de Santa Rosa de Atacames kiti, Cocobamba, Gobierno Autónomo Descentralizado Atacames Markapak kuchullapi sakirik kuskapimi tantanakunkakuna.
Kay Derechos de los Trabajadores, Seguridad Social minkashka tawkasami kamachiykunata llaktayukkunaman riksichishpa katinka, chaypimi sumak kawsayta charinkapa paykunapak yuyaykunata, rikuchishkakunata hapinka. Kay llankayman yaykurishka kamachiy killkakkuna Machala, Milagro Guayaquil llaktakunaman rinka.
Kay Desarrollo Económico minkashka, Incentivos para Asociaciones Público-Privadas y la Inversión Extranjera kamacihyta allichina kallarirka, kay kamachiyka Mamallakta Pushak utkachun nishpa kachashka kan, chaywan kullkita charinata riman. Kallari tantaripika Mamallaktapak hatun kullki kamachikkunata, chapak kamachikkunata kayankapa yuyarirka. Shupaklla llankakkunata yuyayta kuchun kayarka.
Kay Régimen Económico pushak, Virgilio Hernández kamachiy killkak, kmachiy killkakkunata kullki hawa, tukuylla kullkiwan imashina llankay hawa yachachinkapa, UNICEF kamaywasiwan, Mamallakta Tantanakuywan shuk hatun yuyarita churanata riman.
Kay Comisión de Biodiversidad minkashkata pushak, payllatak killkak, mushuk Código del Ambiente kamachiyta pushak, Carlos Viteri amachiy killkak, kay kamachiyka kunan llankakuk Mamakamachiymanta shamun, chaymanta kay kamachachiyka kamachiy hillaymi kan, shina pachamama llikata, paymanta rakirishkakunata kutin hapinka.
Mama Gabriela Rivadeneira, Mamallakta Tantanakuyta pushak, Estela de Carlotto kamachikta paypak llankana ukupi chaskirka, payka Asociación Abuelas de Plaza de Mayo, Pablo Vilas tantarita pushakmi kan, shinallatak Casa Patria Grande Néstor Kirchner pushaktapash chaskirka.
