Kay Mamakamachiy mushukyayayta minkashka, kunan 17 puncha, karwa killa, llaktayukkunantin rimanakuypi kanka, Azuay markapak, Cuenca llaktapi pusharinka, (SENPLADES) wasipi kanka, chayka México, Unidad Nacional ñankunapimi sakirin.
Kaya Mamallakta Tantanakuy ishkaykutin tantarita charinka, Gabriela Rivadeneira, Mamallakta Tantanakuy kayashka shamunka. Shinami, 09h45 sayllataka Ecuador y Uruguay llaktawan yuyarita rimanakunka, Seguridad Social kamachiy hawa kallarik atinakuyta charinka,11h00 sayllataka, Educación Intercultural kamachiyta Mamallakta Pushak rikushkata atinakunka.
Mamallakta Tantanakuyta pushak, Gabriela Rivadeneira, paklla runakuna, tarpuk runakuna Mamallakta Tantanakuypi rimanakurka, kayman allpata alli rakina hawa, awki mikuna hawa, paykunapak mañayta rikuchinkapa shamurka Diálogo Nacional por la Justicia y Equidad Social ukupi karka.
Shukniki, ishkayniki, kimsakini tantarikumanta 80 runakuna ayllakta tantarita charirka, kay rimanakuyka Mamallakta Tantanakuypi pusharirka, kaymi Justicia y Equidad Social hatun rimanakuy kan, kaypi tawka tantarikuna karka.
Mamallakta Tantanakuy ishkayniki tantaripi 70 apuchiwan kay Código Integral Penal kamachiyta arinirka, kay kamachiyka irpata shuwashpa katukta, killkakpak hayñita pakishpa llakichikta wanachishpa kichkichin, warmita, ayllupi kawsak wawakuna, churi, ushushi llakikunata harkan, shinallatak antawa llakita charishkatapash harkan.
Chaska, 7 puncha, karwa killa, Ambato kitipi, Mamallakta Tantanakuypak wasipi, Betty Jerez kamachiy killkak irpata shuwashpa katukta, killkakpak hayñita pakishpa llakichikta wanachinata kichkichina, chay wanachikunaka Código Orgánico Integral Penal (COIP) kamachiy ukupimi kan, chaykunata rikchichinkapa, runakunawan rimanakuyta charirka.
Mamallakta Tantanakuyta pushak, Gabriela Rivadeneira kishpiyrina kapari yuyaripi karka, chayka ñami 206 wata kan, shamuk 10 puncha, chayka Campo de Marte de la Escuela Superior Militar Eloy Alfaro de Quito kuskapi pusharirka.
Mamallakta Tantanakuyta Pushak, Gabriela Rivadeneira, sarun awkak puncha, Consejo Administrativo de la Legislatura (CAL), ñami kay Movilidad Humana kamachiyta arinirka nishpa willarka, chaytami Comisión de Soberanía y Relaciones Internacionales allichishpa katinka.
Kunan Mamallakta Tantanakuypi, Movilidad Humana kamachiyta atirishpa hatun rimanakuy kallarin, chaymanmi Gabriela Rivadeneira, Mamallakta Tantanakuyta pushak, kamachiy killkakuna chayarka; kamaywasita pushak kamachikkuna; tantari pushakuna, ista kamachikkuna, purikrunakunata rikuk kamachik; llaktayukkunapash shamurka.
Mamallakta Tantanakuyta pushak, Gabriela Rivadeneira, Cotopaxi markapak llaktapi kamachikkunawan, ayllullakta pushakkunawan, llaktayukkunawan hatun rimanakuyta charirka, chayka Guangaje y Juigua Yanaurco ayllullaktapimi pusharirka, mamakuchamanta 3.500 tupu hawaman sakirin.
