Kay Esthela Acero kamachiy killkak, Soberanía Alimentaria tantaripi rimayta charik, Tierras Rurales y Territorios Ancestrales kamachiypi nikunata mirachina hawa, kay kamachiyta mikashka ukupi yuyarikunchik, pichka watata hatun allpakunata llankachun mañachishka kakpi, Mamallaktaman katuchun, kipaman pay, runakuman katuchun nikita churana.
Kay Participación Ciudadana minkashka, Defensoría del Pueblo hatun kamachiyta allishpa katin, chaypak, 15 chilla puncha, 10:00 sayllapi, Ernesto Pazmiño, hatun kamachikta chaskinka, paymi imashina kay kamachiy killkarikushkata riksichinka.
Kay Rosa Elvira Muñoz kmachiy, Soberanía Alimentaria minkashkaman yaykurishka,Tierras y Territorios Ancestrales kamachiy, ñawpamanta charimushka allpakunata, tarpunamanta riksin, achka riksichishka markakunapi shuklla yuyarinakuy tiyarka, sapsi hayñi ukupi kullkita mañashpa tarpunaman, wasichinkapa kullkita mañana kachun tukuchun nirka.
Tawka yuyaykunata yaykuchina mutsurikpimi kay Comisión de Justicia y Estructura del Estado pushak, Mauro Andino kamachiy killkakta hawayachirka, runakunawan, llaktakunawan rimanakushpa Código Orgánico Integral Penal (Coip) kamachiyta sinchiyachina nirka. Kay kamachiyka Mamallakta Tantanakuypak 338 yupay tantaripimi rimarirka.
Kullka puncha, Mamallakta Tantanakuy 339 yupay tantaripi, Gabriela Rivadeneira, Mamallakta Tantanakuyta pushak, "Asamblea Nacional de la República del Ecuador, Dr. Vicente Rocafuerte" shutiwan shuk kamarita kararka, chayka kay Mérito Cultural, Orquesta Sinfónica Nacional del Ecuador takikkunaman kurka, 65 watata kawsamushkamanta hapirka.
Kayami mushuk kay Tierras Rurales y Territorios Ancestrales Kamachiypak ishkaykutin markakunapi rimankuyta wichkanka, chayka Mamallakta Tantanakuypak José Mejía Lequerica ukupi kakrin, 10:00 sayllamanta kallarinka. Kay hatun tantaripika Pichincha markapak llaktakunamanta 30 tantarikunami kaypi kanka.
Ishkaykutin Código Orgánico Integral Penal kamachiyta, Turismo kamachiyta kallarik atinakuyta, kay Codificación de la Ley de Aviación Civil kamachiyta rimankunka, kaykunami 338 Mamallakta Tantanakuypak llankaykuna tukun, kay tantariman Gabriela Rivadeneira kayarka, kullka puncha, 10:30 sayllamanta kallarinka.
Mamallakta Tantanakuy chaska puncha 30 tantarikunata chaskinka, paykunaka sapsikuna, ayllullaktakuna, llaktakuna, runallaktakuna, yunkarunakuna, yanarunakuna shamunka. Kachashkakuna Tierras Rurales y Territorios Ancestrales kamachiy tukuri rimanakuypimi kanka.
Chay Chimborazo markapak achka llaktakuna, runallaktakuna, sapsikuna, ayllullaktakuna manarak allpa kamachiyta arinikpi, tukuykuna atinakunkapa waranka yalli runakuna tantarirka, chay Consejo Provincial wasipimi tantarirka.
Kay Parlamento de Mercosur (Parlasur) pushak, Saúl Ortega kamachik, kay Mesa Directiva del organismo regional tantariwan tukushpa: Guillermo Carmona, Blanca Eekhout kamachikkunawan tantarinkuna, paykunaka Gabriela Rivadeneira, Mamallakta Tantanakuy pushakwan tantarirka, Estado Mamallaktata yanapayta paykuna rikuchirka, Ecuador llaktapi llakikuna tiyay kallarikpi yanapayta rikuchirka.
