Kay Milton Gualán kamachiy killkak kay Ministra de Salud, Carina Vance hatun kamachikta, Mamallakta Tantanakuyman kayan, kay kayayka imashitak dengue unkuyta, chikungunya unkuyta harkankapa llankakushkata riksichichun kayan.
Kay Santo Domingo de los Tsáchilas llaktapi chay Ordenamiento Territorial y Uso de Suelo kamachiy hawa runakuman riksichirka, chaypimi kullki tantarikuna, kiti ayllullaktakuna, tantarikunapash riksirka.
Pachata mana kichushpa, Rafael Correa Delgado Mamallakta Pushak, Nela Martínez Espinoza ukuman chayarka, Mamallaktapak kamachikkuna, istakamachikkuna, kamachiy killkakkuna, tantanakuyta pushakkuna huntakpi Hatun Tantari kallarirka, shinami 147 nikipak, 7 yupaypi Mamakamachiy rimashka paktarka, kaypimi kay Mamallakta Llankayñanwan llankay paktashkata willarka, shamuk wata paktanatapash willarka.
Kay Régimen Económico Minkashkaman Virgilio Hernández, Galo Borja kamachiy killkakkuna yaykurin, paykunaka 2015 watamanta 2017 watakama pushanka.
91 apuchiwan, kamachiy killkakkuna Patricia Andrade Baroja, Marcelo Bonilla Urbina Mamallakta Tantanakuy churashka kishpiychikkunata akllakmi tukun, kay Corte Constitucional kamaywsiman yaykurik minkashka chanikkunami shayarin.
Yana llaktapak shuti Mamallakta Tantanakuypi llankak Alexandra Ocles kamachiy killkak, kay Organización de Naciones Unidas, yana llaktakunaman Decenio del Pueblo Afro yuyarita surkushkawan, paykunapak hayñikunawan kushiyarinka, kay yuyariwan Mamallaktakunapi achka ruraykuna, rimarikuna tiyanka, shinallatak llaktakunapipash riksina llaktaykuna sinchiyachun llankaykuna tiyanka, chaykunawan yana runakunapak kawsayta, yanapayta tukuy Mamallaktapi riksinka..
Kay Gabriela Rivadeneira Mamallakta Tantanakuyta pushak, Rosana Alvarado, Marcela Aguiñaga kipapushakkuna kimsantin, Chimborazo markapak, Alausí llaktapi runa llaktakunapak aknaypi karka, chaypimi runallaktakunapak “ushay tawna” unanchata tukuy shunkuwan chaskichirka, kipaka Mamallakta Tantanakuyta allita pushasha nishpa runakunaman willarka.
Kay Parlamento Latinoamericano XXX tantaripi amawta yachaykunata pusharirka, chayka "Willaypak llankaypi, llakta ushay willaypi sumakruray willaykunapash” karka. Chaypimi Rosario Lufrano karka, payka Argentina llaktapi tukuylla karu rikuchikta shayachik, tankakpashmi kan, tukuylla willana hillaykunami Mamallakta willaykunawan llaktayukman chayankapa shuk ñan kan nishpa rikuchirka.
Kay 2015 watamanta, 2017 watakama, Mamallakta Tantanakuypak Gabriela Rivadeneira kamachiy killkak Pushak; Rosana Alvarado Kipapushak, Marcela Aguiñaga Ishkayniki kipapushak tukurkakuna.
Kay Contigo ¡De Ley! Rimanakuypi, La Merced kitilli, Quito kitimantami Mamallakta Tantanakuyta pushak, Gabriela Rivadeneira apukka kay wanra 12 puncha aymuray killami apukkuna tantanakushpa Llakta pushak kay Código General de Procesos killakta allichinaman kachashkata riksinkakuna, nirkami.
