Mamallakta Tantanakuypi llankaykuna kay shamuk kullka punchami kutin kallarinka. Mamallakta Tantanakuyta pushak, Gabriela Rivadeneira Burbano apukmi, 316 niki apukkuna rimanakuyman 09h30 pacha tutamantapak kayachishka, kaypika Ley Reformatoria a la Ley Orgánica de Educación Intercultural rurarina kamachiymantami shuk niki rimakuyta katinkakuna.
Mamallakta Tantanakuyta pushak, Gabriela Rivadeneira apukka, comunas, comunidades, pueblos y nacionalidades runa llaktakunata, Ecuador yana runakunata, yunka ayllukunatami manarak kamachiy arinishpa tapuyman kayachirka, kay tapuypika llaktakunapak Tierras Rurales y Territorios Ancestrales rurarina kamachiypi wakllirinamanta tapuymi paktanka.
Mamallakta Tantanakuy, kunan puncha Mamashimikunapak Ista punchata yuyarina kashkamanta, kaya puncha, wacha puncha, inti punchapash Llikapankapi kichwa shimipi willaycha chayachinka.
Kay Universidad Central sumak yachana wasipak Jurisprudencia yachana, Paraninfo “Che Guevara” wasi ukupimi, mamakamachiypi 16 mushukyachina mañashkata riksichina ishkay niki tantanakuy paktarka, kay tantarimanka Federación de Estudiantes Universitarios del Ecuador shinallatak Escuela Legislativa de la Asamblea Nacional tantankuykunami kayachirka.
Kay Comisión de Desarrollo Económico pushak, Juan Carlos Cassinelli, samarishka kipa, kay tantariman yaykurishkakuna, chusku mushuk kamachiyta llankanka nirka. Kay kamachiykunaka: Facilitación a las Exportaciones y Transporte Marítimo kamachiy, Fomento al Emprendimiento kamachiy; Defensa de los Artesanos kamachiy, Turismo kamachiy kan.
Kay kamachiykunaka Ordenamiento Territorial, Uso y Gestión del Suelo kamachiy; General de Servicios Postales kamachiy; Régimen Especial de Galápagos kamachiy; Sistema Nacional de Contratación Pública Hatun kamachiy, kay kamachiykunami Comisión de Gobiernos Autónomos tantari shamuk mitapi llankanakuna kanka, shinami Richard Calderón minkashkata pushak rimarka.
Pachamamaka shuk ayllu, nakashpaka shuk tantanakuypash riksirishpa Defensor del Pueblo tantanakuyman mañay ushanmi, paykuna munashkamanta mañayta chayachiy ushan, kashnami Código Orgánico General de Procesos kamachiyka rikuchin.
Mamallakta Tantanakuypak 317 yupay tantarika, Gabriela Rivadeneira Pushak kayashkami kan, chayka 10 puncha, pawkar killa 2015 watami kan, 09h30 sayllapi kallarinka, kaypika Código Orgánico General de Procesos kamachiytami ishkay kutin atinakunka, kamachiywan katikushkata allichinata riman, Mamakmachiyta, Wanachi kamachiyta mana allichinka.
Chay Ginebra, Suiza llaktapi Sexagésima Sesión del Comité para Eliminación de la Discriminación contra la Mujer (CEDAW) tantari pusharinka, chaypimi Gina Godoy, kay Comisión de Justicia y Estructura del Estado, Mamallakta Tantanakuypak shutipi rikurinka.
Kay 95 kamachiy killkakkunantin, Mamallakta Tantanakuy Kawsaypura Hatun Kamachiyta Allichinkapa paktarka, mana yachachikkuna yachachik tukunkapa harkata anchuchinkapa mashkan, shuktak yachayta charik runakuna yachachik tukunka yaykurinata ushanka, chaypak shuk ñanta mashkana.
