Kay Comisión Especializada Permanente de la Biodiversidad y Recursos Naturales kamachikkubna, Carlos Viteri Gualinga kamachiy killkak pushashka, Aguarico 4 kuchaman chayarka, chayman Rigoberta Menchú hatun kamachikpash chayarka, payka 2015 watapi, 2 punchamanta, 5 punchakama, Ecuador llaktapi karka, Ecuador Mamallaktata maymutsurikpi yanapashpami kaypi karka.
Kay shamuk chillay 10 puncha, raymi killami Mamallakta Tantanakuypak Soberanía Alimentaria Minkarishkapi llankak apukkuna ishkay niki llankayta katishpa kay Orgánica de Tierras Rurales y Territorios Ancestrales rurarina kamachiy llaktayukkuna tapuyta kallarinkakuna. Apukkunaka 23 markakunaman chayashpami kay killkata riksichinkakuna, shinallatak ayllukunata, tantanakuykuna, llaktapak llankak tantarikunapash yuyayshkata mañashkata chaskinka.
Kay “XXI watapi runakunapak llankana katikilla” chaytami Rigoberta Menchú rikuchinka, payka ñawpa Nobel de la Paz kamarita charik warmimi kan, kullka, 4 punha, raymi killa, 17:00 sayllamanta, José Mejía Lequerica ukupi rikuchinka, chaytaka Biodiversidad Minkashka, Ministerio de Relaciones Exteriores kamachikmi pushanka.
Wawakunapak punchapi, Mamallakta Tantanakuyta pushak, Gabriela Rivadeneira apuk, Kamachiy Awlli wasipimi Quito kullasuyu kuskamanta “Tránsito Amaguaña” yachana wasipi yachakuk wawakunata chaskirka.
Kanchis puncha, aymuray killa, 2011 watapi, Mamallakta Tantanakuypak Anki llaktayukkunapak shunkupi yaykurinkapa wiñarirka, willankapalla mana kanchu, yachachichun, asichichun, tawkasami llaktaman yaykurichunmi kan.
Imbabura llaktamanta “Sumak Yachana Wasipi" yachakkuna, Mamallakta Tantanakuyman shamurka, paykunaka Gabriela Rivadeneira Mamallakta Tantanakuy pushakta Inti Raymi tushuyman kayankapa shamurka, chay wawakuna: takirka, tushurka, arawita rikuchirka. Alexis Túquerez wawami kushi rimaywan, kikin churarinawan yupaycharka.
Kay Manabí markamanta Carlos Bergmann kamachiy killkak, kay Consejo de Administración Legislativa tantariman yaykurishka, kay wacha, 30 puncha, aymuray killapi, purichinalla killkana ukuta churanka, chayka Santa María kuskapi, Manga del Cura llaktapi kanka, El Carmen kitipini tiyarinka, chaypimi pay llankashkata llaktakunaman willanka, Mamallakta Tantanakuypi arinishka hatun kamachiykunatami riksichinka.
Kay Grupo Parlamentario por los Derechos de las Personas en Movilidad Humana shuk runa, Junta de Política y Regulación Monetaria y Financiera, Patricio Rivera yaykurin, paykunaka purik runakuna mañashka kullkiman yaykurichun uchilla kamachiyta killkankapa tantarinkuna, imashina purik runakuna llakita charikta rikushpami kullki llakita, mañachishka kullkita rikunka.
Kay Turismo Pushak, Lorena Tapia y de Transporte, Paola Carvajal hatun kamachik, kay Régimen Económico minkashkapi rikurishpa, antankapi purinkapa kullki pankakuna illan nirka, kay llaki tiyakpimi tukuy llaktayukkunaman mana paktan nirka, mana kullkimantachun kan, purina pankata katunapimi kan, tukuylla llaktay yanapayta churanami illan.
Kay Gobiernos Autónomos, Descentralización, Competencias y Organización del Territorio minkashkata pushak Richard Calderón kamachiy killkak, Mamallakta llankana pankata churarka, sukta mushuk kamachiyta arininata charin nishpa churarka.
