Kamachiy killkak Ximena Peña yuyashka, payka Estados Unidos, Canadá llaktakunapi purikkunwan rimanakurka, Servicio de Rentas Internas (SRI) kamachikkunawan kimirishpa yuyaykunata surkurka, charishkakunata imashina rakina hawami rimanakurkakuna.
Kay María Alejandra Vicuña kamachiy killkak, Donación y Trasplante de Órganos, Tejidos y Células hatun kamachiy hawa runakunaman rikuchirka, chaymanta kawsashallatak aychawata kuna nirka, chay aychawakuna mutsushkata paktachik kakta rikunami kan. Kaypak óvulos, espermatozoides aychawakunata kuna hawa nikinka.
Kay Cotopaxi, Imbabura, Carchi, Esmeraldas markakunapimi manarak Allpa kamachiyta arinishpa yachaykuna tiyanka, chaypimi runa tantarikunawan, yunka runakunawan, yana runakunawan tantarinka. Kay Comisión de Soberanía Alimentaria pushak kamachiy killkakkuna, raymipika chilla 17 puncha, kullka 18 puncha, chaska 19 puncha, wacha 20 puncha riksichinka.
Tawka tantarikuna hatun kamachikkunata allita llankakpi, Mamallakta Tantanakuyta yanapashpa chayakpi, Gabriela Rivadeneira, paykunata yupaycharka, kay kamachiykuna Ecuador llakatapi kawsak runakunata achkata yanapak kakpimi yupaycharka. Llaktayukkuna panta willaykunata uyashpa ama pantarichun mañarka.
Chay Ambato llaktapak Mamallakta Tantanakuy wasipi, Derechos Colectivos minkashka runakunawan rimanakuyta charirka, Tungurahua markamanta yuyak runakunwan tantarirka, paykunaman ima kamachiykuna Mamallakta Tantanakuypi killkarikushkata riksichirka.
Kay Manabí llaktamanta kamachiy killak, Verónica Rodríguez, Apya-yalapak Mamallakta Tantanakuypuraman, paypak llankayta riksishpami chayman kacharka, Eacuador llaktamanta kamachiy killkakpak shutipi chaypi llankankapa tiyarin, 2015 watamanta – 2017 watakamami llankanka.
Kay Comisión de Biodiversidad pushak, Carlos Viteri Gualinga, shamuk 11 puncha, raymi killapi, 08:00 sayllamanta, ministro de Agricultura, Ganadería, Acuacultura y Pesca, Javier Ponce kamachik, tiburón chalwa hapina llaki ama tiyachun, imashina kamachiyta paktachishkata willachun kayanka, kay Decreto Ejecutivo, 20 puncha, 2007 watapi llukshishkami kan.
Mamallakta Tantanakuyta pushak, Gabriela Rivadeneira, Rupayta Harkak warmikunata pushak warmikunata chaskirka, paykunaka Ecuador llaktapak chikan chikan kitikunamantami napayta, mañaykunata chayachinkapa shamurka, mañayta tikrachikpi chaywan llaktayukkunata yanapanka.
Kay Consejo de Administración Legislativa, CAL kamachikkuna, kay Código de Economía de los Conocimientos alli rikuyta kuchun, Raúl Abad kamachiy killkak, Comisión de Educación pushakmi kay kamachiyka llaktakunapi achtaka rimanakushkami kanka nirka, Mamallaktapak achka markakunapi riksishkami kan.
Mamakamachiy mushukyachina llankay, raymi killapak tawka llaktakunaman chayanka, Guayas markapak, Lomas de Sargentillo kitimanta kallarinka, chaypimi 16 nikunata rimanakunka, chayka 11 hatun yuyaykunapimi rakirishka kan.
