Kunan awaki, 3 puncha, karwa killa, Gobierno Autónomo Descentralizado Provincial de Napo wasipi, Mamakamachiypak 16 nikikuna hawa, kay llankay minkashkakuna llaktayukkunawan rimanakurka.
Mamallakta Tantanakuyta Pushak, Gabriela Rivadeneira, tantarikunata pushakkunawan, Mamallakta minkashkakunawan rimanakuykunapi pakta kayta rikuna, tantarikuna shuktak runakna rimashkata hapinami kay minkashkapak llankayka kanka.
Hatun rimanakuypi paktakay, paktaraki hawa rimay karka, tawka tantarikunamanta pushakkuna, llankak tantarikuna rimashkawan kimirirka, Ecuador llaktapak llankakkunapak yuyaykunata, wipalata, kullkita charikkuna hapishpa, paykuna kishpiychikshina kunanka rikurishka hawa rimarka.
Kay Ecuador llaktapi rimanakuy llakikunata allichinkapa mana ñan kanchu nikpipash, kaypimi sakirinkchik, llakta ushayta, paktakayta, paktarakita wallpankapa rimanakuy mana hillay nikpipash katinchikmi. Fernando Ibarra, Parlamento Laboral Ecuatoriano (PLE) pushak shna rimarka, Mamallakta Tantanakuy kayashka tantaripimi shina nirka.
Kay Federación Nacional de Trabajadores Agroindustriales, (Fenacle), tiksi Frente Unitario de los Trabajadores tantarikuna paktaraki, paktakay hatun rimanakuyman yaykurinkuna, paykuna charikkuna charishka alli rakirichun mañankuna.
Mama, Gabriela Rivadeneira, Mamallakta pushakwan wacha, 31 puncha, sitwa killapi, Mamallakta Tantakuypi, paktaraki, paktakay hawa tantarirka, Comisión de los Derechos de los Trabajadores minkashka, Comisión Ocasional de Emiendas a la Constitución minkashkakuna tantarirka.
Kay Wilson Chicaiza kamachiy killkak, Pichincha Distrito Sur de Quito llakmanata kachashka, Servicio Público (LOSEP) kamachiyta Mamallakta Tantanakuyman rikuchirka, payka Mamallakta Pushakman kullkita nikishpa kunkapa LOSEP hatun kamachiyta mushukyachina nirka.
Kay Betty Jerez kamachiy killkak, Derechos Colectivos Comunitarios y la Interculturalidad minkashkaman yaykurishka, Mamallaktapi paktarakita, paktakayta charinkapa tukuyllapak llaktayta rimanakushpa katin, kunan 24 puncha, sitwa killamanta Chambiato ayllullaktapi kallarinka, kipaman wacha, 25 puncha, Bolívar shulkapi rimanakuyta charinka, inti, 26 punha, García Moreno shulkapi, Guayrapata ayllullaktapi pusharinka.
Mamallakta Tantanakuyta pushak, Gabriela Rivadeneira, Consejo de Participación Ciudadana kamaywasipak kari warmi kunakkuna arinishka kipa, paykunata 2020 watakama llankachun tiyachirka.
Yuyak kashkamanta allimanta tatkiwan; asishpa, kay Antonio Polo Frattin Mamallakta Tantanakuyta pushak Gabriela Rivadeneira makimanta, Dr. Vicente Rocafuerte kamarita chaskirka, kaytaka pay wakcha runakumanta llankashkamantami chaskirka.
