Mamallakta Tantanakuypak wasi ishkay patapi Yachay Minkashka kallarishka, Telecomunicaciones kamaywasita pushak, Jaime Guerrero achkata rimashpa willarka, willayta chaskik runakuna Mamallaktapi wiñariyshka hawami willarka.
Mamallakta Tantanakuyta Pushak, Gabriela Rivadeneira, Guaranda, provincia de Bolívar, chilla 30 puncha, sitwa killa, 2014 watapi, Guaranda llaktapi, Bolívar markapi, may mutsurik llankayta paktachinka.
Kamachiy killkak Gabriel Rivera, Justicia y Estructura del Estado Minkashkaman yaykurik, mushuk Código Orgánico General de Procesos (Cogep), tiyak paktakay katikuyta 80 manta, pusak katikuyman uraynan uchillayachin nishpa Ankipi willarka; llaki rikurishkata kutsichin, kamachiywan achka katikushkata ñawipurachishpa allichin, kaymi ashtwankarin tiksipi kan; rimashpalla llakita allichina llikata ashtawan paktachin, shinami paktakayta runakunaman chayachin, runakunapak shunkuman paktakay llikata kutintak pushamun.
Kay Educación, Cultura, Ciencia y Tecnología Minkashkapak tantaripi, kay tantaritaka Ximena Ponce kamachiy killkakmi pushanka, kay chilla, 30 puncha, sitwa killapi kayan, kayman karupi willayta Pushak Jaime Guerrero Ruiz shamunka, alli rikuchik llankaykuna wiñarikushkata willanka, shinallatak Desarrollo de Sociedad de Información runakuna hawapash willanka.
Kay Derechos de los Trabajadores y la Seguridad Social Minkashka, kanchis alli apuchiwan, ishkay sakiriwan Seguridad Social y a la Ley del Banco del Instituto Ecuatoriano de Seguridad Social kamachiyta kallarik atinakuyta rurankapa willayta arinirka, Administración de los Fondos Previsionales Cerrados kamachiyta arininkapa shinallatakmi rurarka.
Kuchupilla kawsak Mamallakta kishpiyrishkata 193 watata paktakchikpi, Mamallakta Tantanakuyta Pushak Gabriela Rivadeneira sisa kamarita churan, Marina de Guerra del Perú, Miguel Grau Seminario wakapimi churarka.
Chimborazo markapi willana ñankunawan rimarishpa, shukniki Mamallakta Tantanakuyta Kipapushak, Rosana Alvarado, Código Monetario y Financiero kamachiyta arinishka hawa rimarka, kullki mañachiy Mamallaktapak yuyayta paktachinka, mana shukpaklla kullki wasita yanapanka.
Kay Código Orgánico Monetario y Financiero kamachiyka: tukuylla awllikta, kamakkunata, utkachikkunata, llankakkunata kullki llankayta shayachikta, churashka kullkita harkakta wanachinka, paykunatami kullkita shuwan nishpa, 10 watamanta, 13 watakama kishpiyta kichunka.
Mamallakta Tantanakuy pay ñawichina Mamakamchiywan, kamachiywan apuyta charishkata rimarinkapa tawka yachaykunata rurankapa tantarikun, chaymanka ñukanchik Mamallaktamanta, ista llaktamanta yachakkuna shamunka, kaytaka kay killapi 22 punchamanta, 24 punchakama ruranka, Libertad José Mejía Lequerica hatun ukupimi kanka.
Gabriela Rivadeneira Mamallakta Tantanakuyta Pushak, Managua llaktaman, Nicaragua kitiman chayarka, chay llaktapak Mamallakta Tantanakuypak sandinista tantariwan rimanakurka, Edwin Castro kamachikmi, Daniel Ortega Pushakpak shutipi karka, Siddartha Marín, Ecuador llaktapi, Nicaragua llaktapak shutipi kamachik, Aminta Buenaño chaypi karka.
