Mamallakta Tantanakuyta ishkay niki kipa pushak Marcela Aguiñaga apuk, kunan puncha Guayaquil llakta, Centro de Privación de Libertad Zonal 8 wikchana wasipi wichkashka J.L.R.M. runa imashina kawsakukta rikunaman chayarka.
Mamallakta pushak, Rafael Correa, Guayllabamba shulkapi, Quito kitipi llaktayukkunaman willay puncha, COMEX 023-2014 yuyariwan 30 punchakama, kay 4 kutin 4, kipi kachanamanta $42 kullki chaypilla samarichun nishpa willarka, chayka utkashpa chaskita, couriers chaskita kachanakunami samarinka.
Kay Cuenca llaktapi, Fondos Previsionales Cerrados 10 tantarikunawan, Comisión de los Trabajadores tantari, chay Seguridad Social kamachiyta, Banco del Instituto de Seguridad Social (BIESS) kamachiyta mushukyachinkapa rimanakuykunata tukurirka, 31 puncha, sitwa killapi shukniki atirinakuy tiyarka.
Kay María José Carrión kamachiy killkak, Superintendencia de Control de Poder de Mercado al Ministerio de Salud Pública rimashkata yanapan, hatun hampi katuna wasikuna shinallatak, uchilla hampi katuna wasipash hatun wasikuna shinallatak paktapakta katunata ushanka nirka.
Ecuador-Perú llakta apukkuna Wankurishkamanta Zobeida Gudiño, Oscar Ledezma apukkunami Perú llaktata kay Ecuador llaktapi riksichik Elizabeth Astete warmipak wasipi tantanakurkakuna, kay tantaripika ishkantik llakta pushakkuna imashinalla makipurashpa llankanamantami rimanakurka.
Kay Régimen Económico minkashka, Oswaldo Larriva pushashkawan kay tantariman yaykurishkakunata kayarka, chilla puncha, 10:00 sayllapimi tantarinka, chaypimi Hidrocarburos kamachiyta pushankapa rimanakuy kallarinka.
Gabriela Rivadeneira, Mamallakta Tantanakuyta pushak, Parlamento Latinoamericano (Parlatino) tantanakuypi rantipushakmi, tukuy apukkuna, shinallatak Ecuador llakta ayllukunapak shutipi 23 llaktamanta chayamuk apukkunata kay Wankurishkata pushakkunata, shinallatak istallaktamanta chusku minkarishka apukkunatapash kushiyashpami chaskinchik nirka.
Atuntaqui kiti, Imbabura markapimi Parlamento Latinoamericano (Parlatino) wankuripak pushakkuna, shinallatak chusku minkarishkata pushakkunapash kay 28, 29, 30 punchakuna, karwal killapi rimanakunka.
Mamallakta Tantanakuyta pushak, Gabriela Rivadeneira apukka, Kamachiy Awlli kay wata tukurina chusku killapi llankanapak rikuchik ñanta ñami charin, kayshina llankanapakka Pushakmanta, Minkarishka apukkunamantami rurarina kamachiy killkakunata chayachishka.
