Manabí markamanta 168 watata Rocafuerte kiti tukushkata yuyarishpa Mamallakta Tantanakuy yuyarin, Verónica Rodríguez kamachiy killkak Mamallakta Tantanakuypak shutipi, kay kitipak wiñaykawsayta riksishpa, makirurayta rikushpa, runakuna wiñarishkata rikushpa shuk yuyarita chayachirka.
Mamallakta Tantanakuyta pushak, Gabriela Rivadeneira Burbano apukka, apukkuna 290 niki rimanakuyta katinkapak kullka 2 puncha, wayru killa 2014 wata, 9h30 pacha tutamantapakmi kayachirka.
Mamallakta Tantanakuyta pushak, Gabriela Rivadeneira apukka kay “ Desfile de la Ibarreñidad” raymipak akllashpa kayashkami karka, kay raymika Imbabura marka 480 watakuna wiñarishkamantami paktashka. Mamallakta Tantanakuyta pushakka ciudad blanca kiti wiñarishka watakuna paktashkamanta napaytami chayachirka
Mamallakta Tantanakuyta pushak, Gabriela Rivadeneira apuk, Pedro Moncayo kiti Gobierno Autónomo Descentralizado (GAD) pushak, Frank Gualsaquí runawanmi kay chaska puncha llankaypika, wasikunapura yanaparinapak killkata shuti aspirkakuna, kay makipurashpa llankaypika Mamallakta Tantanakuymi anta nikichikwan llankaypi yanapanka.
Tawka takikkunawan raymishpami, SAYCE (Sociedad de Autores y Compositores de Ecuador) tantanakuy 2014, Kimsa Niki wata kamariy paktarka. Takikunawan wiñayta llankashkamanta kamariy chayachiypi, Mamallakta Tantanakuyta pushak, Gabriela Rivadeneira apukka, Llaktapak kawsaymi ñukanchikta riksichin nirkami.
Mamallakta Tantanakuyta pushak, Gabriela Rivadeneira apuk, kaya puncha 09h30 tutamantapakmi 291 niki rimanakuyman apukkunata kayachirka, kaypika Código Civil kamachiy mushukyachinatami apukkuna ishkay niki rimanakuypi riksinkakuna, kay mushukyachiyka sawarinapak manshna wata charinata, sawarishkamanta rakirinata, wasi uku ayllukuna charinamanta, yuyarinakushkallawan kawsanamanta, charinakunamanta kawsanamanta, shuktak rikuchiykunamantapashmi rimanakunkakuna.
“Mashikuna kikinkunapi, mushukyayta yanapak shuktak tantarikunapi tumpirishkami kanchik. Hatun minkakuna ruranata ushanchikmi, imashinami Recursos Hídricos kamachiyta arinirkanchik shinallatakmi rurashun, kay kamachiyta wallpankapa 1.600 tantarikunami yanaparka”, Gabriela Rivadeneira Mamallakta Tantanakuyta pushak shina rimarka, kay Confederación de Pueblos y Organizaciones Indígenas Campesinas del Ecuador, FEI tantari mushuk Allpa Kamachiy wallparichun mushuk yuyayta kuy pachami, José Mejía Lequerica ukupi shina nirka.
Virgilio Hernández apukka ayllukuna taripanamanta mamakamachiy mushukyachinapi churashkamanta rimashpaka nirkami, kay mañayka mamakamachiy 104 nikipak 6-7 wachu killkapimi tiyakun, Llakta pushakkuna, ayllukunapash paktanapakka saywata charinmi, shinaka manu kullkimanta, llakta pushay paktanamanta mana taripay usharinchu,nirkami.
Hatun Raymi, Kawsaytarpuiy ukupi, tantarishka llankakkuna mushuk Código Laboral kamachiyta killkarichun yuyayta kunkapa chaypi kashun nirka, chay minkamanka Gabriela Rivadeneira Mamallakta Tantanakuyta Pushakmi kayanka.
Mamallakta Tantanakuyka tukuy kamachiykuna ruraywanmi wawakunata yanapanapak llakta pushak llankaypi makipuranapak llankakun, kashnami Mamallakta Tantanakuyta pushak Gabriela Rivadeneira apukka, “Wawakuna wiñarinamanta Llaktapi rimanakuy” Coliseo General Rumiñahui wasi ukupi willachirka.
