Mamallakta Tantanakuy 91 apuchiwan, 24 mana nishkawan, shuk yurakwan, shuk harkariwan Sociedad Interamericana de Prensa (SIP) churashka yuyarita mana arinirka, kay yuyarika Ecuador Mamallakta chikan kay awkikayta pakikmi karka.
Kay Derecho a la Salud minkashka, Carlos Velasco kamachiy killkak pushashka, kaya chilla 29 puncha, wayru killapi, 7:30 sayllapi tantarinka, Código de la Salud kamachiyta killkankapa alli yuyaykunata chaskinka.
Mamallakta Tantanakuyta pushak, Gabriela Rivadeneira apukka, kaya puncha 09h50 sayllapakmi 296 niki apukkuna rimanakuyman kayachirka, kaypimi Sociedad Interamericana de Prensa tantanakuy Ecuador llaktamanta yuyarinakushka killkata riksinka.
Kay 250 runakuna chaypi kaywan, paykunaka paktakaywan llanakkuna, marka Paktakay Wasi, Wanachiy Kamachik Tantari Kamay kamachikkuna, paktakay tantari, kishpiychikkuna, kamachiy yachak llankakkuna, tukuylla mitachikuna, kishpichikkuna, tukuy llaktayukkuna; chay Auditorio del Sindicato de Choferes de Zamora Chinchipe tantarirkakuna, chaypimi Manejo Adecuado del Código Orgánico Integral Penal (COIP) kamachiyta yacharkakuna.
Llakta pushak, Rafael Correa apukka, Mamallakta Tantanakuyman Seguridad Social y del Banco del Instituto Ecuatoriano de Seguridad Social tantanakuypak kamachiy mushukyachinata killkata allichinapak chayachirka, kayshinami fondos complementarios previsionales cerrados kullkita rikunapak paktakun.
Kay Derecho a la Salud Minkashka kaya Guayaquil llaktapi shuk tantarita charinka, chaypimi Código Orgánico de Salud mushuk kamachiyta yachachinkapa, chikan chikan tantarikunapak mushuk yuyaykunata, rikuykunata chaskishpa, kay kamachiy Minkashka tantarita pushak Carlos Velasco Enríquez achikyachishpa rimarka.
Kay Derechos de los Trabajadores y Seguridad Social minkashka kamachiy killkakkuna, La Troncal llaktaman chayarkakuna, chaypimi patsak yalli wañushka llankakkunata, ayllukunatapash yuyarishpa awkichirkakuna, chay wañuyka Ingenio Azucarero Aztra llankaywasipi 18 puncha, wayru killa, 1977 watapimi karka, llankakkkunaka kaparina kikin hayñiwanki kaparirkakuna.
Kay La Troncal llaktapi, Aztra llankaywasipi paypak hayñikunata ukllashkamanta wañuchishkakunaman awkita kushpa, Trabajadores y la Seguridad Social Minkashka kay kitipak wasipi shuk tantarita pusharka, chaypimi tawka tantarikunapak wanaykunata chaskirka.
Kaya, Casa de la Cultura, Núcleo de Pastaza ukupi, 10:00 saylla, Derechos Colectivos, Comunitarios y la Interculturalidad Minkashka, Zobeida Gudiño pushashka, Creación de los Consejos Nacionales para la Igualdad Hatun Kamachiyta rikuchinka, kay kamachiytaka tantarikuna, runallaktakuna, ayllullaktakuna, llaktakuna, yachakukkuna, achka llaktayukkuna kay kamachiy yanapakrikta riksichun, chay kamachiyta hapichun. Shina paykunapak hayñikunata hunta pushachun.
Kay Comisión de Soberanía Alimentaria pushak, Miguel Carvajal, kay Tierras Rurales y Territorios Ancentrales mushuk kamachiy alli killkarichun runakuna, pakllarunakuna, yanarunakuna mushuk rikuyta kurka, kay kamachiyka Mamallakta tarpuypi wiñariychun yanapak kakpi tantarikunapak pushakkuna alli chanita kurka.
