Kay Ximena Peña kamachiy killkak, Estados Unidos, Canadá llaktapi Ecuador runakunapak shutipi llankak, paymi Reglamento a la Ley Orgánica de Incentivos a la Producción y Prevención del Fraude Fiscal kamachiy, Kamu Kipupi 407 yupaywan killkachishka, purik runakunata yanapan nirka.
“Kunan, 2015 watapi, kay Código Laboral kamachiyta wallpashpa katishun, shinapash, kay karmapi utkashpa mushukyachina mutsurikpi, kay mushuk Justicia Laboral y Reconocimiento del Trabajo del Hogar kamachiypak kallari atinakuyta tukuchirkanchik, waranka waranka kari warmi llankakkupak kawsayta mushukchinka”, Gabriela Rivadeneira, Mamallakta Tantnakuyta pushak shina rimarka, kaytami Contigo ¡de ley!, kay willaytaka Tumbaco shulkamanta, Mamallakta Tantanakuypak Ankimanta uyachirka.
Kay Decenio Nacional de Afrodescendientes 2015 watamanta, 2025 watakama Naciones Unidas kayashka; yana llaktata pushak, Alodia Borja kay Comisión de Derechos Colectivos, Comunitarios y de Interculturalidad Zobeída Gudiño kamachiy killkakta mañarka, Agustín Delgado kamachiy killkakntin tukushpami kimsa ñalla paktana katikillata rurachun mañarka.
Gabriela Rivadeneira Mamallakta Tantanakuyta pushak, 309 tantariman kayarka, chaymi kullka, 8 puncha, 09:30 sayllamanta tantarinka.
Kay Derechos de los Trabajadores y la Seguridad Social Minkashka tantari pusak apuchiwan arinishpa kay Interpretativa del Artículo 58 de la Ley Orgánica del Servicio Público kamachiyta ashtawan rimankapa shuyachun mañarka, Marllely Vásconez kamachiy killkakta, llaktakunaman riksichinkapa punchakuta rikunka nirka.
Kay, Gabriela Rivadeneira Mamallakta Tantanakuyta Pushak, República de Corea llaktamanta shamuk kmachikkunata shuk napayta kurka, paykunaka Chin Young kamachiy killkak ñawpashka chayamurka, mashipura tukushpa tawka llankaykunata kallarinkapa, kay Grupo Interparlamentario de Amistad Ecuador– Corea llaktapura tantarita charinkapa shamurka.
Kay María José Carrión kamachiy killkak kamachiy hillaykuna rimanakuyta charinkapa kayan, chaywan mintalayta harkana riman, kay hillayka Superintendencia de Control de Mercado kachashkami kan, kay 9: 30 sayllami kallarinka.
Mamallakta Tantanakuy República Bolivariana de Venezuela llaktata yanapankapa yuyarin, Estados Unidos de Norteamérica kamachikkuna llakichikukpi yanapan, kay yuyarika “Ley de Defensa de los Derechos Humanos y la Sociedad Civil de Venezuela 2014” shutita charin, ama ashtawan kullkipi, llaktaypi llakichishpa katichun Ecuador kamachikkuna kaparin, ista llaktapak hayñikunapi hapirishpami Nicolás Maduro pushakta yanapan.
Kay Comisión de Biodiversidad y Recursos Naturales, kay 2014 watapi llankashkata rikuna, kay tantarita minkashka, Carlos Viteri Gualinga, ñukapak llankayka, punkarata surkukun llaktapi llankay imashina katishkata rikunami kan nirka, chayka Declaratoria de Interés Nacional shutiwan 31, 43 kuskakunapi, Parque Nacional Yasuní allpakunamanta Punkarata surkuna hawatami rikurka.
Mamallakta Tantanakuy 91 apuchiwan, ishkaykutin atinakuypi, Personal de las Fuerzas Armadas mushuk kamachiyta arinirka, kay kamachiyka awka kamachikkuna sikanatami allichin.
