Mamallakta Tantanakuypak José Mejía Lequerica ukupi, II kutin Seminario Internacional de Derecho Parlamentario, Ciencia Política y Técnica Legislativa, yachay katikun, chay yachaytaka Italia, Argentina, Colombia, Ecuador llaktakunamanta yachakkunami yachachin.
Kay Derechos de los Trabajadores y la Seguridad Social Minkashka, kay 18 puncha, wayru killapi mishkita surkuk llankaywasipi, “Aztra llankaywasipi” 1977 watapi ñakarishpa wañushkata yuiyarinarayku yuyarishpa, kari warmi mana shaykurishpa llankakkuna kakpi awkichinkapam yuyarirka.
Kay 295 tantaripi Mamallakta Tantanakuy, kunan wanra puncha, 21 puncha, wayru kila, 09H30 sayllapi, 1999 watapi kullki llaki hawa Banco Central kallari sukta killapi willaytaMamallakta Tantanakuy riksinka, kay Cierre de la Crisis Bancaria de 1999 Hatun Kamachiyta paktachishpami willanka.
Kay hunkaypash, Ecuador llaktamanta ayllu José Mejía Lequerica runa ishkay patsak wañushka wata yuyarinakuy katinkami, kashna tantanakuymanka Soberanía Alimentaria y Desarrollo del Sector Agropecuario y Pesquero Minkarishka apukkunami kayachishka, kay rimanakuypika Ecuador llaktapi apunchikmanta rimak, kamak, hampik runa yuyashaktami rimanakurka.
Kay Tierras Rurales y Territorios Ancestrales Hatun kamachiyta, Soberanía Alimentaria y Desarrollo del Sector Agrario y Pesquero minkashka, Miguel Carvajal ñawpashka, kunan chaska puncha, Mamallakta Tantanakuypak wasi Nela Martínez ukupi tantarirka, kaypimi kimsakutin rimanakurka, kaymanmi Mamallaktamanta 20 tantarikuna, markamanta 14 tantarikuna shamurka, kapuchik tantarikuna, sisa tarpukkuna, Mamallaktapak chinchansuyu llaktakunamanta shamurka.
Kay “Yarikayta chimpapuranapakka: runakuna wirayaymanta, rurashka mikunakunapi shutichiyta churanamanta” rimanakurka, Frente Parlamentario Ecuador sin Hambre tantariy, María Augusta Calle apuk pushakushka apukkunaka Llaktapi mikuna unanchay Punchata yuyarirkakuna. Kay tantanakuymanka 500 yalli ayllukunami chayamurka, kaypika llaktapak, shukllapak yachana wasimanta wamrakuna, 47 ayllu tantanakuykunamanta runakunami chayamurkakuna.
Mamallakta Tantanakuyta pushak, Gabriela Rivadeneira, Conocimiento y Talento Humano hatun kamachik, Guillaume Long, Mamallakta Tantanakuy kipapushak Marcela Aguiñaga, Guayas markata pushak, Rolando Panchana yanapashka kunan chishi Universidad de las Artes (Uniartes) yachakukkunawan Guayaquil llaktapi tantarirka, chaypi riksichirka.
Guayaquil llakta willachikkunawan rimanakuypi Mamallakta Tantanakuyta pushak, Gabriela Rivadeneira apukka, Kamachiy Awlli llankashkata shinallatak kay watapi imalla paktanapak churashkatami willachirka, kay shamuk punchakuna llankanapakka Allpa kamachiy, Defensoría Pública, Zirma kamachiy, shinallatak, Seguridad Social kamachiy ruranapimi llankakunchik, nirkami.
Pay Linda Machuca kamachiy killkak mushuk Defensoría del Pueblo kamachiy, Defensoría kamaywasita pantachin nishpa rimarka, kay wasipak apuyta, ushaytami pantachin nirka, shinallatak 2008 watapi Mamakamachiypi ushnushka hayñikunata willankapa, ukllankapa ñankunata pantachin nirka.
Apukkuna 294 niki rimanakuypimi Mamallakta Tantanakuyta pushak, Gabriela Rivadeneira apukmi Banco del Instituto Ecuatoriano de Seguridad Social (BIESS) kullki wasita pushanapak llankankukmanta, samakukmanta akllashka runakunata llankaypi kallarichirka.
