En la sesión 294 del Pleno, la presidenta de la Asamblea Nacional, Gabriela Rivadeneira, posesionó a los representantes de los afiliados activos y de los jubilados ante el Directorio del Banco del Instituto Ecuatoriano de Seguridad Social (BIESS).
Kay 294 niki rimanakuypi, kaya punchaka 09H30 sayllapakmi Mamallakta Tantanakuyman kayachishka Banco del Instituto Ecuatoriano de Seguridad Socia (Biess) kullki wasiman kimirishka llankakuk, samakuk ayllukuna pushakta llankaypi kallarininkapak.
Kay llaktamanta kachashka kamachiy killkakkuna Grupo Geopolítico de América Latina y el Caribe (GRULAC) hatun tantaripi kanka. Kay tantarika ashtawan Unión Interparlamentaria rimaytami yallita charin. Shuktak yuyaykunata rimashka kipaka kasik kawsanata, kamayta, runapak hayñikunata, warmita waktashpa llakichiktami yallita rimanka, chaymanka: Alexandra Ocles, Linda Machuca, Diego Vintimilla, Fernando Bustamante ñukanchik llaktapak shutipi rikuchinka.
Kay Desarrollo Económico minkashkata pushak, Juan Caros Cassinelli, V niki Seminario Latinoamericano tantaripi kanka, chayka “El valor de la propiedad industrial para la innovación y la salud”, shutimi kan, 16, 17 punchakuna, wayru killa 2014 watapi kanka.
Kay Soberanía Alimentaria y Desarrollo del Sector Agropecuario y Pesquero, Miguel Carvajal pushashka, kaya chilla 15 puncha, wayru killapi Tierras Rurales y Territorios Ancestrales kamachiyta yachachishpa kallarinka, Guayaquil llaktapi kanka, tantarikunamanta, mintalaypak hatun tantarimanta, tukuy llaktayukkunamantapash yuyaykunata pallanka.
Kay Grupo Parlamentario por la Garantía kari warmi wawakunapak, imillakunapak, malta runakunapak hayñikunata minkashka kan, Marisol Peñafiel kay rimankuyta pusharka, Mamallakta Tantanakuypak wasi José Mejía Lequerica ukupimi tantarirka, Día Nacional de la Niña puncha kakpimi tantarirka.
Kawsaytarpuypak llankay ukupi Ecuador llaktamanta José Mejía Lequerica wañushkamanta yuyarishpa hatun tantari tiyan, ista llaktakunawan mishanakuymi kan. Chilla, 8 puncha, wayru killapimi kan, tukurinalla arawi mishanakuyta “José Mejía” shutiwan rikuchin, chayman: Quito, Mejía, Rumiñahui llaktakunamanta yachakukkuna rikuchin.
Kay Desarrollo Económico minkashka, shamuk chilla puncha, 10:30 sayllapi, Venta Directa tantarita chaskinka, paykunapak tantari Ecuador llakta kullki wiñarichun llankakushkata rikuchinka, kaytami Juan Carlos Cassinelli minkashkata pushak willarka.
Wawakuna, imillakuna, rukukunapash karu llaktaman mana kamachiywan rinaka hatun llakimmi kan, México llaktamanta Estados Unidos llaktaman purinami yalli llaki kan, pakalla runakunata pushakkuna tiyan, paykunaka pushashkamanta achka kullkitami hapin, shinapash tawkakutinmi purun pakllakunapi pushashka runakunata shitashpa sakin, wakinpika chaypimi chay runakuna wañun, shinami Derechos Colectivos tantariman yaykurishka Betty Jerez kamachiy killkak rimarka.
Mamallakta Tantanakuyta pushak, Gabriela Rivadeneira apuk, Plaza de Héroes, Carolina samana pampapi yawarta karanapak wasichishkaman chayarka. Kay kuskapika: 4 niki kutin Ista llaktapi yawar karanapak kayachishkamanmi chayarka, kayshina kayanakuyka tawka ista llaktapimi ayllukunapak kawsayta kishpichina munaywan paktakun.
