Shinami wawakuna, imillakuna mikunata charichun kullki chanikunata makipi hapichun kamankapa kay Comisión Ocasional que Atiende Temas y Normas de la Niñez achkata atinakurka, paykuna mutsukpi chay ñanta kuchun mañarka.
Hampinata, mikunata, llankayta kallaripi churashpa, Régimen Económico Minkarishkatapi tawka kamachiyta, ruraytapash yuyarishkakuna kayshina Covid-19 unkuy ashayachun chimpapurankapak.
Kay Comisión de Soberanía Alimentaria tantari, Lenin Plaza Castillo pushashka, allichishka Para Desarrollo de la Acuicultura y Pesca kamachiyta rikuy kallarirka, kay kamachiywan chalwaypi, yakupi llankaykunata ñawpak pushanka.
Kay awaki puncha, 23 pawkar killa 2020, Consejo de Administración Legislativa (CAL) tantanakuy videoconferencia rimanakuy paktarka. Kay rimanakuypika Mamallakta Tantanakuypi tawka yuyaykunawan llankayta ñawpakman pushanapakmi yuyaypaktarirka. Mamallakta Tantanakuyta pushak, César Litardo, shuk yuyarinakushka killka shinallatak, chusku kamachiy rurana killkatami arinirka, kay killkakunaka Minkarishkapi riksichunmi chayanka; kay yuyaykunami kimsa rimanakuypi puchukan.
Kaya puncha 08:00 sayllamanta, Comisión de Soberanía Alimentaria tantari chay Para el Desarrollo de la Acuicultura y Pesca Kamachiy allichishkata kaya puncha rikunka, kay kamachiywan chalwashpa llankanata, uksi allí mikuy tiyachun llankaywan kimirik llankaytapash rikunka.
Karumanta rikunapi chay Comisión del Derecho a la Salud tantari, William Garzón kamachiy killkak pushashka, Mamallaktapi Covid-19 unkuypak hampi llaki tiyakta rikunkapa rimanakurka. Kaymanta shamuk sayllapi shuk willayta kachanka.
Mamallakta unkuymanta hatun llaki kawsakukpi kayna chishi Instituto Ecuatoriano de Seguridad Social (IESS) llankayta rikunkapa Derechos de los Trabajadores y la Seguridad Social, Karina Arteaga Muñoz pushashka tantarirka, chay kamaywasika Mamallaktapi llankakushkata riksichirka.
Kunan tutamanta, kunan chishi zirma ankuta katishpa Comisión de Soberanía, Integración, Relaciones Internacionales y Seguridad Integral tantari, Fernando Flores kamachiy killkak pushashka, chay Movilidad Humana Kamachiyta allichina hawa rimarka, shinami allichishpa katin.
Kay Comisión de Régimen Económico kaya, 21 puncha tantarinka, 11:00 sayllata kallarinka, chaypi chay Covid-19 unkuy Mamallakatpi kullkita llakichishkata rikunkapa mushuk rurayta, llankayñanta churanka, shinami Daniel Mendoza kamachiy killkak, tantarita pushak willarka.
Kay Comisión de Desarrollo Económico tantari kamachiy killkakkunawan kimsa sayllata rimanakurka. Paykuna rimanakuyta charichun kamachiy killkak Esteban Albornoz tantarita pushak kayarka, paykunawan Covid-19.unkuyta takankapa hampikunata rantinkapa maymanta Mamallakta kullkita charinata rimanakurka.
