Kay Comisión de Desarrollo Económico tantari, 12 apuchiwan kay Modernización a la Ley de Compañías kamachiy ishlkay atinakuypak ña allichishpa arinirka.
Chaymi Mamallaktapak atinakuyman yaykurinka, chaypi kamachiy killkakkuna mushuk yuyaykunata churashpa arinka.
Kamachiy killkak, Esteban Albornoz churashka mushuk hatun yuyayta rurarka.
Shinallatak Mariano Zambrano, César Rohon kamachiy killkakkuna churashka yuyaykuna kay kamachiywan llaktakunapi kullki rimarichun, llankaykuna runakunaman tiyachun achkata yanapanka nirka, chaymi llankakwasikunamanpash kullki mirarinka rimarka.
Kay mushuk kamachiy shuktak mushuk llankakwasikuna hatun llankaykuna charichun punkuta wichkan, harkata churan rimarka. Chay Telemáticos ñanta katishpa Juntas Generales de Accionistas tantarita wiñachichun harkanka. Shinapash kay ñanta katishpa allpachapi paktapakta llankanata yanapan nirka.
Kay kamachyka uchilla llankakwasikuna llankayta charichun, kullkita mirachichun achkata yanpanka nirka. Llankakwasikuna mushuk tantarikunata wiñachichun yanapan, kipaman paypura makita kushpa llankaykunata, ruraykunata sinchiyachichun tankan, rimarka. Chinkarikun Mintalak llankakwasikuna kutintak hatarichun kullkiwan, sumakruraywan yanapanka nirka.
Kayta pushak minkashka, chay Economía Circular y Reciclaje Inclusivo mushuk kamachiyta allichishpa, mushuk yuyaykunata churashpa katimun. Chay yaykurishka kamachiy killkakkuna Academia, Empresarios, Recicladores, ONG, runakunapash yuyayta churashkamanta achkata yupaycharka.
SV/ea/jc-kichwa
