Mamallakta Tantanakuyta pushak, Gabriela Rivadeneira apukka 264 niki rimanakuymanmi Apukkunata kunan puncha 15H00 chisipak kayachirka. Llankanapak killkapika rikurinmi, Soberanía, Integración, Relaciones Internacionales y Seguridad Integral Minkarishka killkashkata riksinka, kaypika “Kallari yachana wasipi, Chawpi yachana wasipipash Ecuador llakta – Argentina llaktapi yachashkata yuyarinakushpa arinina killkata” riksinkakuna.
Apukkunaka kay Orgánica Reformatoria al Código Orgánico de Organización Territorial, Autonomía y Descentralización (Cootad) kamachiy mushukyachina killkata Llakta pushak allichinaman kachashkata arininatami riksinkakuna.
Kayshina llankaypika, Gobiernos Autónomos minkarishka, Richard Calderón apuk pushakushka apukkunami shuk llankaywillay killkata riksichishka, kay killkaka rikunallapakmi, kaypika tukuy allichinaman kachashkatami arinina ninmi.
Shinallatak kay puncha llankanapakka, No. T1.C.1 SNJ.14-001 killka, 2 puncha, kulla killa, 2014 watapi chayashka killkatami riksinkakuna, kay killkapika Economista Rafael Correa Delgado, llakta pushak apuk shamana pachakunatami 7, 8 puchakunapak mañashka.
