Mamallakta Tantanakuypika 88 ari apushitaywanmi, Comisión Ocasional Multipartidista Minkarishkata wiñachirkakuna, kaymi Llakta pushakmanta chayachishka kamachiy rurana killkakunata riksishpa allichinka, kay ruraykunaka llaktayukkuna kay Consulta Popular shinallatak Referéndum taripay 21 puncha aymuray killa 2024 watapi arinishkata paktachishpa. Kayshina yuyayrinakuymanka Consejo de Administración Legislativa wankuriy kay chaska 17 puncha aymuray killa yuyaypaktarishkata katishpami rikurkakuna.
Mamallakta Tantanakuy, kay N.° 925 niki llamkay rimanakuypimi, Ley Orgánica de la Función Legislativa kamachiy mushukyachina killkata shukniki rimanakuypi riksirkakuna, kay kamachiywanka kamachiyta ruranapak, taripanapak shinallatak llaktay chaparay paktanapakmi mashkakun, kayshina Kamachiy Awllipak llamkay alli utkashpa rurashka kachun, llaktayukta alli yanapachunpash.
Kay 20ª ParlAmericas Hatun Rimanakuypi shinallatak 8° Red de Parlamento Abierto Tinkuy Asunción, Paraguay llaktapi tantanakuypimi yallik chillay punchamanta, Luzmila Abad kamachi killkak kay Red de Parlamento Abierto tantanakuypak kipapushak akllarirka.
Paúl Buestán kamachi killkakmi Mamallakta Tantanakuyman shuk mañayta chayachirka, kaypika Sade Fritschi runa, Ambiente, Agua y Transición Ecológica llamkaywasita pushak ñawirichunmi mañarka, Mamallakta Tantanakuyman chayamushpaka kay Olón llakta, Santa Elena markapi wasichinapak arinsihka iñik pankakunata imamanta karashkatami willanka.
Kay 924 niki rimanakuypi, Mamallakta Tantanakuyka, kay Ley de Seguridad Social para la Jubilación Especial para el Cuerpo de Vigilancia de la Comisión de Transito del Ecuador kamachiy rurana killkata shukniki rimanakuypi riksishpa kallarirkakuna, kay kamachiyka kaypi llamkakkuna samakullkita pakta charichun, shinallatak kayshina llamkay chikan kashkata riksishpa shinallatak chikan llamkayta charishkamanta, 25 watakuna chayachishkata yupashpa, mashna wata charishkata mana rikushpa paktarinapak yanapanka, nirka.
Mamallakta Tantanakuyka Derecho a la Salud Minkarishkatami Ministerio de Salud llamkaywasi dengue unkuyta harkanapak, allikachinapak, shinallatak hampinapakpash imalla ruraykuna paktashkata ñawinchiychun minkarka, chaykipaka Sociedad de Lucha Contra el Cáncer (SOLCA), clínicas de diálisis hampina wasikunaman llamkashkamanta kullki chayachikushkata ñawinchiy kallarichun arinirkakuna.
Mamallakta Tantanakuyka kay Ley Orgánica Reformatoria para la Erradicación de la Violencia y el Acoso en todas las Modalidades de Trabajo kamachiy rurana killka allichinaman kachashkatami, tukuykuna allinirka, 120 ari apushitashkawan, allichinaman kachashkata pichkaniki, pusakniki, iskunki. chunkaniki shinallatak chunkaniki shuk killkatami hapirkakuna; shinalltak Mamallakta arinishka killkatapash 101 ari apushitaywanmi kay 1, 2, 7, 8, 10 shinallatak 11 killkata kutinpash arinirkakuna.
Kay Ley de Seguridad Digital kamachiy rurana killkapak llamkaywillayta ayllukunaman riksichishka kipa, Seguridad Integral Minkarishkapi allichishka, llaktapak, shukllapak 30 yalli llamkaywasikuna shinallatak ciberseguridad yachak ayllukuna chaypikashkawan allichirkakuna, Mamallakta Tantanakuyka ishkayniki rimanakuyta kallarirka.
Shuk yuyarina rimanakuypimi kuna puncha Mamallakta Tantanakuyka, 01 puncha wayru killata "Día de la Identidad Montubia Ecuatoriana" nishpa shutichin shinallatak Los Ríos markatapash riksirishpa "Capital Nacional Del Cacao" nishpa shutichirkakuna.
Tukuy chaypikakkunami, 117 ari apushitaywan, Mamallakta Tantanakuymanta shuk yuyarinakushka killkawan Llakta pushak, Daniel Noboa Azín runata, kay Servicio de Acogimiento Institucional de Niñas, Niños y Adolescentes wasikunata utkashpa yanapana nishpa shutichichun shinallatak Economía y Finanzas llamkaywasitapash kullkita pakta chayachichun kayachirka, kayshina yanapaywanka shamuk pachakunapi hayñikuna ama wakllirichun shinallakta llakikunata pakta chimpapuranapak, nirka.
