Kay “Contigo de Ley” yachayta kunan wanra puncha kachashkapi, Mamallakta Tantanakuyta pushak Gabriela Rivadeneira rimarka.
Kay 19 puncha, pawkar killapai Ecuador llaktapi kawsak rukunakuna ista llaktapi charikkuna kullkita ama charichun harkana kamachiyta kacharka.
“Kay kamachiyta Consejo de Administración Legislativa (CAL) tantariman kachashun, kaya punchami tantarita charinchik, chaypi tawka kamachiykunata arinishun, ” shinami Mamallakta Tantanakuyta pushak rimarka.
Kay kamachiyta “akllashka may mutsurik kan” kay 2016 watapi achka rimanakushka kan, kay ‘Papeles de Panamá’ hawa yallita rimashka kan.
“Kay 2016 watapi Mamallakta Tantanakuy, tukuylla awllikkuna, shukpaklla kamaywasikuna kayn tukurim watapi Mamallaktamanta kullkita shuktak llaktakunaman surkushkata riksirka, chayta katikpika 30.000 waranka hunumi rikurirka”, shinami Rivadeneira rimarka.
Kullki kanchaman surkuna mana “ kay kullkiwan ñukanchik llaktapi llankanami mutsurirka”. Chay pakalla kullkita charik wasikuna willayta chayachina mañaytami charin. Mana willayta chayachishkamantami kullkita paraísos fiscales wasiman kachashkata mana yachanchik, kamachiywan llukshishka kanka, pakalla llukshishkata mana yachanchik.
Kay Guillermo Lasso Mamallakta Pushak tukunkapa akllarinata munak, chay paraísos fiscales kamaywasipi kullkita charin, offshore llikata charin. “paypak llaktay ukupi mana alli rikurinchu, shinapash llullashpa Mamallakata wiñarichun mañan”, shinami Rivadeneira Mamallakta Tantanakuyta pushak rikischirka, shina llullashpa runakunata umachinata munan.
Shinami kay mushuk kamachiy, hatun kamachikmanta, chay Gobiernos Autónomos Descentralizados kamachikkama rikunka ( 2019), shinaka tukuylla awllikkunapak rimaymi kan, kay llankaykunata kullki tiyashkawan paktami kana kan, kullkita mana shuwapashpalla pushana, yuyaykunapash pakta pakta kanka”.
KZ/mjc/jc-kichwa
