Mamallakta Tantanakuyta pushak, Gabriela Rivadeneira, kay 2 puncha, ayriwa killa akllaypi, mana allim yuyay rikurishka, chayka llulla apuchi mana sakirina kanchu.
Chaypika 51,15% patsakri apuchimi tiyashka, chayka Alianza PAIS llaktay tantari churashkami, Lenín Moreno Garcés misharka.
Kunanka paymi Ecuador llaktata pushanka, 24 puncha, aymuray killapi llankay kallarinka, paymi Rafael Correa Delgado Mamallakta Pushakpak ranti tiyarinka.
Kay wanra pucha Contigo de Ley rimay punchapi rimayta kachashka, akllaypi llulla apuchi maypitak sakirin, ima munaytak washapika tiyan nirka, chaypimi apuchita shuway tiyashka rikuchin, “Sarun 19 puncha, panchi killapi akllay tiyashkatapash shinami riman, kay show llulla karka, takakkunallatak llullashka rimaymi karka”.
Kay Alianza PAIS llaktay tantari, chay CREO tantari rimashkaman kimirirka, sarun hunkapi 1.795 apuchishkata kutintak yupana kachun rimarka, chayka mana alli mañaychu kan.
Ñukanchik CREO tantariman kimirishpa yuyayta kukpi, paykuna piñarirka, shinami ña mana 1.795 iskanka paskana nirka, kipamanka tukuyta paskana nirka. Akllay kamachiyka mana tukuyta paskana ninchu. “Mayhan pantachishka, wakllichishka apuchita charik iskankakunatallami paskana nirka”, shinami willarka.
KZ/mjc/jc-kichwa
