Kay Biodiversidad minkashka, Patricio Rivera, Ministro de Finanzas kamachikta; Sandra Naranjo, Secretaria Nacional de Planificación y Desarrollo kamachik rimashkata uyanka; Santiago León, Ministro de Industrias y Productividad kamachikta uyanka.
Shinallatak María Rosero, Ministra Coordinadora de Desarrollo Social kamachikta; Alexis Sánchez, Secretario Nacional del Agua kamchikta rimashkata uyanka, paykunami Circunscripción Territorial Especial Amazónica kamachiy alli killkarichun yuyayta kunka.
Rimanakuy Patakuta pushak, Carlos Viteri Gualing kamachiy killkak, rimashka awllikkunata awki puncha, 15:00 sayllata tantarinka, paykunami imashina kay kamachikta riksishkata rikisichinka.
Shinallatak kay kamachiy paktapakta wiñarinata, chay llaktapak llankayñanwan yanapanka. Kay kamachiy runakunata, pachamamata, kawsaytarpuyta nikinka, rikuchinka.
Kay mushuk kamachiywan Fondo para el Ecodesarrollo Amazónico (FERA) kullkita wiñachinka, kay kullkitaka sapan punkara mankata katushpa 2% patsakri kullkiwan llankanka, punkaraka chay saywashka allpamantami surkushka kanka. Chay kullkimantami 28% patsakri kullki antisuyu markapak hatun kamachikman chayanka, 58% patsakri kullki kitiman chayanka.
Shillatak 6% patsakri shulka tantariman chayanka, chay kullkimanka Baños kitipak Río Verde, Río Negro sulkakuna yaykurinka. Shinallatak Penipe kitipak Matus, El Altar, La Candelaria, Bayusing sulkakunapash yaykurinka. Yapa 8% patsakri Fondo Común, Secretaría Técnica kamaywasiman rinka.
Kay Fondo Común para la Circunscripción Territorial Especial Amazónica kullkitaka, suyupi tiyak chukita katushkamanta puchuk 60% patsakri shamuk kullkiwan llankayta ruranka, kayka chuki chakramantami shamunka, runakunapak llankayta, llaktakuna wiñarichun chayachinka, Mamallakta Hatun kamachikpak makiwan, kikinllatak karupi kamachikpak makiwan llaktapi llankachun chayachinka. Shuktak llankaymanta shamuk kullkipash llaktapak llankayman chayanka.
JLVN/pv/jc-kichwa
