Kunan puncha, José Serrano Salgado, Mamallakta Tantanakuyta pushak, chay Enmienda a la Constitución, mañayta chskirka.
Shinami tukuylla llankaykuna paykunapak sapsi hayñita kutintak charichun yanaparka, chay hayñitaka 2015 watapi Mamakamachiyta allichishpa chinkachirka.
Chayta Serrano hatun kamachik paypak shutiwan yanaparka, Secretaría General ukuman mañayta chayachinka.
Kay Pichincha markamanta kamachiy killkak, Norma Vallejo, kay mañayta churak, Mamakamachiy allichinata Hatun llankak tantarikunawan llankashkami kan nirka, chay hayñitaka 2015 watapi Mamakamachiyta allichishpa chinkachirka rimarka.
Sinaka, “Chaymanta pacha llankakkunapak hayñikuna kichkichishka sakirirka, kunanpi ishkay kamachiy tiyan, shuktak llankakkuna Servicio Público Hatun Kamachiy kamashka kan, shuktak llankakkunaka Código del Trabajo kamachiy kamashka kan, kimsaniki llankakkunaka mana kamashka, kacharishkakuna kan”, nishpa riksichirka.
Kay mushuk kamachiyta chay Organización Internacional del Trabajo (OIT) tantaripak 98 ista yuyari, 87 ista yuyari kamashkami kan, chay kamachiykunapimi llankakkuna tantarishka sapsi hayñita charichun yanapan, kishpiyrishka llankakkuna tantarichun yanapan.
Shinallatak, Jaime Arciniega, Parlamento Laboral tantarita pushak, chay “ ista kamachikkuna kay Ecuador llaktapi hatun llaki tiyashkata rikuchin, 2015 watapi shuk pantari tiyarka, chaymanta imashina Mamallaktapak kamachiykunata allichinaman ñanta mashkana kan nirka, ashtawankarin 98 yuyayrita allichina, sapsi yayñita allichichun riman, 87 llankakkuna tantarichun kay yuyarika yanapan”.
“Kunanpika, Mamallaktapi kimsa llikata charinchik: shuk llank Código del Trabajo kamachska kan, shuktak kamachikkuna Servicio Público kamachiy kamashka kan, wakinkuna kay llankayman yaykurikkunaka chayrak musparishka kan”, nishpa rimarka.
EG/pv/jc-kichwa
