Mamallaktapak wasi ukuka waylla tullpuwan shuyurirka. Shinami tukuy kamachiy killkakkuna riksichirka, paykunaka Ruku yachikkuna mañashkatami yanapan, chaymanta riksishkakuna kan.
Shinami 121 kamachiy killkakkuna apuchiwan yanaparka. Tantarina uku hawamanta “ Uchanchikmi”, “Ushanchikmi”, kaparita uyachirka.
Mamallakta Tantanakuy kay Interpretativa a la Disposición General Novena de la Ley Orgánica de Educación Intercultural kamachiyta arinirka, 20 puncha, wayru killa, 2018 watapi, yanapashun rimashka karka, Mamakamachiy chay Disposición Transitoria Vigésimo Primera nikipi rimashka shina mashna watata llankashkata rikunka.
Kay churashkata katishpa, 2008 watamanta, 2010 watakama, 30 waranka, 36 waranka kullkita kuna karka, yachachikkunata pushak, Luis Mora, rimashkapi, 12 waranka, 16 waranka kullkita kushka nirka. Paykuna mañashkata kullkiwan tikrachina kan. 8 waranka yachachikkuna yanaparishka kanka, shinami Carlos Chavarría, Coordinadora de Maestros del Ecuador pushak rimarka.
Kay Kamachiy arinirishka kipa, “ Mamallakta rimashka paktarin. Kay Constitución de Montecristi Mamakamachiy hañita churashka paktachun chunka watata shuyashkanchik, shinami Cotopaxi markamanta pushak rimarka. Kutin Azuay, Cañar, Morona Santiago, León Ortíz kamachiy killkakkuna paktakay chayashka nirka.
Chay Ortiz kamachiy killkak yuyaypika allichina hawallami kan nirka. Kay llakita allichinkapaka 700 hunu kullkimi mutsurin nirka: 160 waranka rukuyashka, yachachikman kanka, chaytaka 2008 watamanta, 2010 watakama kan, shinallatak 2015 watamanta, 2017 watakama 520 hunu kullki mutsurin nirka, kutin 2019 watapak 350 hunu mutsurin nirka. Kay kullkikunata llankaymanta puchushka kullkiwan yanapanka.
LILA/pv/jc-kichwa
