Chay chimborazo llaktapi chay, 1830 watapi, Fundación de la República tiyarirka, chaymanta Kallari Mamakamachiy killkarirka, Ecuador llakta istamanta kishpiyrishka tiyarirka.
Chaymanta kay 11 puncha Mamallakta Tantanakuy chay Riobamba, llaktapi, Chimborazo markapi hatun rimanakuyta charirka,
Chay Colegio Pedro Vicente Maldonado yachana wasipi pusharirka, runakuna, kamachikkuna, tantarikuna, shulkapushakkuna chaypi karka, chay markamanta runakunaka ñan llakikunata allichichun mañarka.
Mamallakta Tantanakuyta pushak César Litardo Caicedo, pay rimashpa, kay Sultana de los Andes llaktapi, hatun llakta kuyay llankakkuna rurarishka nirka, shinami runakuna, llaktakuna paypak kawsayta mana kunrarishka, shinami Mamallaktapak hatun kamachikkuna ruraykunata runakunaman rikuchishka, paykunapak mutsuykunata pankayachishka.
Chay Riobamba llaktami hatun llankaykunata ñawpachishka, chaypi Primera Constituyente tantarita rurashka, kay Primera Constitución del Ecuador pankata killkankapa “Sapi Kiti” kashka, chaymi llakta ushay suniman wiñarishka, kunankama llaktakuna, runakuna, kamachikkuna tantarinchik, yapa nirka.
Mamallakta Tantanakuypak kallari llankayka, runakunata, llaktakunata tantarichina, rimanakuchina llankaymi kan, shinami Mamallaktapi mushuk llakta ushay kawsayta hapishun, makita kushpa llankashun, kaypimi runakuna pantayta charikpi kamachiywan allichispa runakunata alli ñanpi churachin. Shinami Kamachiykuna llakta runakunapak kachun ñanta churan.
Mamallaktami runakuna alli, sumak, kasilla kawsayta charichun kamanka, shinami awllikunata, llaktayukkuna wankurishpa llankayta llakta ushay ninchik. Shinami runakunapak huchakunata, shuwakunata wanachishpa allichinka, wakllirishka runakunata yanapashpa kuyayta rikuchinka, ancha huchata charikkunata yachachishpa runayachinka.
Riamak kamachiy killkakuna
Kay hatun tantaripika Jorge Corozo, Hermuy Calle, Pedro Curichumbi, Elizabeth Cabezas kamachiy killkakkuna rimarka, paykuna Chimborazo markamanta kamachiy killkakkunami kan, Riobamba kitipi Kallari Mamakamachiy killkarishkatami rikuchirka, chay189 wata washaman República del Ecuador Mamallakta wiñarirka, chaymanta Mamallakta Tantanakuy kuski killa, 11 punchata “Día de la República” shutita churarka.
JLVN/lp/jc-kichwa
