Kay Protección de Datos Personales kamachiyka Ecuador llaktapi kawsak runakunata kamana hawami ashtawankarin rimarka.
Chay Ministro de Telecomunicaciones, Andrés Michelena paypak makimanta chaskirka. Chaymanta César Litardo Mamallakta Tantanakluyta pushak, Patricio Donoso kipapushak kay kamachiyta utkashpa arinina kanchik nirka.
Allpapachapi sumakruraykuna, zirma willaykuna, mushukyaykuna achkata paktakun, chaymanta Ecuador llakta washaman mana sakirina kan.
Runakunaka chaytami yachana kanchik, tukuylla llaktayta, kamachiykunata, wanaykunata runakuman riksichina kan, shinami César Litardo Mamallakta Tantanakuyta pushak rimarka, chaytami runakuna, karu llaktapi kawsak, llankak llaktakuna alli ñawiwan hapirka.
Chaymanmi Hatun kamachikkunaka ñawpakman purikun, Michelena rimarka, chaymanta kunanpi llankakuk kamachikkunaka Protección de Datos Personales kamachiywan llankanata charin, llankak wasikuna 17% patsakri pakirikpika kay Kamachiywan wanachina kan nishpa manchachin.
Chay Lorena Naranjo, Dirección Nacional de Registro de Datos Públicos (Dinardap) kamachik, runakuna ña mana rumishina, kaspishina kanchik, karumanta rikushpa yachakkunami kanchik, zirma willaykunawan llaktakunata hapina yuyaytami charinchik, chay llaktakuna zirma willayta yachachun mañanchik nirka.
Kamachik, Michelena kay Constitución de la República del 2008 kamachiyka, runapak imalla willay tiyak hayñita kamanatami riksin, ukllan. Kay kamachiyka llaktakunaman, yachakkunaman riksichishkami kan.
LILA/ea/jc-kichwa
