Kay Comisión de Régimen Económico, 12 apuchiwan Desarrollo de Puerto Bolívar Kamachiy allichishka ishkaykutin atinakuyman yaykurichun arinirka.
Kay kamachiyta allichishpa 10% patsakrimanta, 50 % patsakriman mirarichina yanapanka, chayka Autoridad Portuaria de Puerto Bolívar kamachikkunami yaykuchinka.
Kipaman Gobiernos Autónomos Descentralizados (GAD) kamachik, El Oro markaman, Machala kitiman yaykurinka.
Kay kamachiypika 70% patsakri, GAD municipal de Machala kamaywasiman yaykurichun mañarka, 30% patsakrika, El Oro marka, GAD kamaywasiman yaykurichun mañarka. Kay kullkitaka sapan chusku killapimi chayachinka nirka.
Kay kullkitaka, GAD kamaywasimi tukuylla llankaykunapi, tukuylla mitachikunapi churachun mañarka, shinami llankayñanpi rikuhin nirka, shinami Constitución de la República del Ecuador kamachiypi, Código Orgánico de Organización Territorial, Autonomía y Descentralización (Cootad) kamachiy rimashkata paktachinka rimarka.
Kay rimanakuyka, kamachiy killkakkuna kamachiyta arininamanta yallita rimarka, kay kamachiyta arinishpami kullkikuna, llankaykuna achkata mirarinka nirka, kipaman runakunaman, llaktayukkunaman llankay tiyanka nirka, Covid-19 hatun unkuy wakllichishka allichinka, rimarka.
Kay kamachiyta arininkapa rimanakuypika Kitikamachik, marka kamachik, Asociación de Municipalidades del Ecuador (AME) pushakkuna, Consorcio de Gobiernos Autónomos Provinciales (Congope) pushak, Consejo Nacional de Gobiernos Parroquiales Rurales del Ecuador (Conagopare) pushak, Colectivos de Puerto Bolívar tantarita pushak, shuktak pushakkunapash karka.
JLVN/cz/jc-kichwa
