Tukuy chaypikak 113 kamachi killkakkuna ari apushitaywanmi, Mamallakta Tantanakuyka Educación Minkarishkapi yuyarinakunapak chayachishka killkata arinirkakuna, kaypika kari warmi wawakuna, wamrakunata kikinkaypi wakllichishka rikurishkata ñawinchichun, shinallatak 90 punchakuna ukupi imalla paktashkata achikyachishpa shuk llamkaywillaypi riksichichun shinallatak imalla ruranatapash yachakchayachichun.
Mamallakta Tantanakuypi tukuy kamachi killkakkunami, 117 ari apushitaywan, Convención sobre Ética del Turismo yuyarinakushka killkata arinirkakuna. Istallakta hayllika llakta riksinata alli pushanapak shinallatak tukuykuna alli munaywan llamkayta paktanapakmi yanapanka.
Kunan kay shukniki rimanakuypi, samana pachakuna kipa, Mamallakta Tantanakuypi tukuy wankurishka ushaykuna, shukllamanta llamkak shinallatak wankurishkakunapash, Ecuador llaktapak llamkanata, mana chimpapuranta, shinallakta alli yuyaywan paktarinata yuyarirkakuna.
Mamallakta Tantanakuyka, llamkayta kutin kallarishpa, kay Ley de Participación Ciudadana kamachiy mushukyachinatami arinirkakuna, kay kamachiywanka llaktayuk pakta pakta chaypikana hayñitami paktarichin, kay hillaykunatami llaktayukkunaka kikinpak shinallatak ayllukunapakpash charin kayshina llakata tukuy pushaykunapi kimirinkapak.
Mamallakta Tantanakuy llamkashkata llaktayukman chayachina yuyaywanmi, kay hunkayka Coordinación General de Participación Ciudadana wankuriyka, tawka llamkaykunata paktarka, kamachiykuna yanapayta riksichirka shinallatak llaktayukkuna ayllukunapash mañashkata chaskirkakuna.
Kay Ley Orgánica para la Planificación y Desarrollo Integral de la Circunscripción Territorial Especial Amazónica kamachiy, kunanpi llamkakuk Mamallakta Tantanakuy mushukyachishka shinallatak Registro Oficial kamaypi 30 puncha kapak killa 2024 wata riksichishka, Llakta imalla ruranatami kay suyu llaktapi llamkay wiñarichun shinallatak llaktayukkunapash yanaparichun rikuchin.
Kay mushuk Mamallakta Tantanakuyka llaktamanmi uma hampirina kamachiyta chayachirka, kay kamachiyka ayllukuna uma allikayta ñawpashpa rikuchun, hampirichun shinallatak alliyachunpashmi yanapanka.
Kay Ley de Creación de la Universidad de Seguridad y Ciencias Policiales (USECIPOL) kamachiyka, tukuy llaktayukkuna shamuk pachakunapi kasiklla kawsanapak purishkami kan. Kaypika kasiklla kawsanta shinallatak chapakkuna mushuk yuyay llamkay paktanapakmi yachana wasita wiñachin.
Kay Ley Orgánica de Competitividad Energética kamachiyka llaktapi zirma illashka llakitami kullkiwan llamkay paktashpa, mushuk chuyta zirmata wiñachishpa shinallatak kaypi llamkakkunapak llamkayta utkachishpa yanapanapak mashkakun, ishkay killa yallimi kamachiy paktarinaman yaykushka shinallatak kay ashalla pachapi paktarinapak churashka killkakuna paktana pachakunapish kallpakunami, kay 11 puncha kulla killa 2024 watamanta, kay punchami paktarinaman yaykurka.
Kay Ley para el Fortalecimiento de las Actividades Turísticas y Fomento del Empleo kamachiyta ruranapakka chunka shuk kamachiykunatami mushukyachina, kaykunami, Ley de Régimen Tributario Interno kamachiy, kay kamachiy mushukyachishkawanka, llakta riksichinapak llamkaymanta kullki chayachinata hawalayachinkapak.
